പ്ലാസ്റ്റിക് വിമുക്തമാക്കാന്‍ പഞ്ചായത്ത് സെക്രട്ടറിയുടെ മിന്നല്‍പരിശോധന

പ്ലാസ്റ്റിക് ഉപയോഗം തടയുന്നത് ലക്ഷ്യമിട്ട് ആറന്മുള ഗ്രാമപഞ്ചായത്തിന്റെ വിവിധ ഭാഗങ്ങളില്‍ ഗ്രാമപഞ്ചായത്ത് സെക്രട്ടറിയുടെ നേതൃത്വത്തില്‍ മിന്നല്‍ പരിശോധന നടത്തി. വിവിധ കടകളില്‍ നിന്നും നിരോധിച്ച പ്ലാസ്റ്റിക് ഉല്‍പ്പന്നങ്ങള്‍ കണ്ടെത്തുകയും ഇത്തരം സ്ഥാപനങ്ങള്‍ക്കെതിരെ പിഴ ഈടാക്കുകയും ചെയ്തു. പ്ലാസ്റ്റിക് വിരുദ്ധ പ്രവര്‍ത്തനം ശക്തിപ്പെടുത്തുന്നതിന്റെ ഭാഗമായുള്ള സര്‍ക്കാര്‍ നിര്‍ദേശം അനുസരിച്ചാണ് റെയ്ഡ് നടത്തിയത്. ഇനിയും നിരോധിത പ്ലാസ്റ്റിക്കിനെതിരെ ശക്തമായ നടപടികള്‍ ഉണ്ടാകുമെന്നും പ്ലാസ്റ്റിക് നിര്‍മാര്‍ജ്ജന പ്രവര്‍ത്തനങ്ങളില്‍ ജനങ്ങളുടെ സഹകരണം ആവശ്യമാണെന്നും പഞ്ചായത്ത് സെക്രട്ടറി അറിയിച്ചു.