വിശ്വകര്‍മ പെന്‍ഷന്‍ പദ്ധതി

എറണാകുളം ജില്ലയിലെ വിശ്വകര്‍മ വിഭാഗത്തില്‍പ്പെട്ട ആശാരിമാര്‍, സ്വര്‍ണപണിക്കാര്‍, മൂശാരികള്‍, ഇരുമ്പുപണിക്കാര്‍, ശില്പി വിഭാഗത്തില്‍പ്പെടുന്ന 60 വയസ് പൂര്‍ത്തിയായ മറ്റു ക്ഷേമപെന്‍ഷനുകള്‍ ലഭിക്കാത്ത തൊഴിലാളികള്‍ക്ക് പിന്നാക്ക വിഭാഗ വികസന വകുപ്പ് പ്രതിമാസ ക്ഷേമപെന്‍ഷന്‍ ലഭ്യമാക്കുന്നതിന് അപേക്ഷ ക്ഷണിച്ചു.

നിലവില്‍ ഈ പദ്ധതി പ്രകാരം ആനുകൂല്യം ലഭിക്കുന്നവര്‍ വീണ്ടും അപേക്ഷിക്കേണ്ടതില്ല. പൂരിപ്പിച്ച അപേക്ഷകള്‍ നവംബര്‍ 30 ന് മുമ്പായി മേഖലാ ഡെപ്യൂട്ടി ഡയറക്ടര്‍, പിന്നാക്ക വിഭാഗ വികസന വകുപ്പ്, സിവില്‍സ്റ്റേഷന്‍, കാക്കനാട്, എറണാകുളം - 682030 എന്ന വിലാസത്തില്‍ ലഭ്യമാക്കിയിരിക്കണം. അപേക്ഷ ഫോം www.bcdd.kerala.gov.in എന്ന വെബ്സൈറ്റില്‍ ലഭ്യമാണ്. ഫോണ്‍: - 0484 2983130.