ഓസോണ്‍ ദിനാചരണം : അപേക്ഷ ക്ഷണിച്ചു

കേരളാ ശാസ്ത്രസാങ്കേതിക പരിസ്ഥിതി കൗണ്‍സില്‍ 2018 ലെ അന്താരാഷ്ട്ര ഓസോണ്‍ ദിനാചരണത്തോടനുബന്ധിച്ച് പരിപാടികള്‍ നടത്തുന്നതിന് അപേക്ഷ ക്ഷണിച്ചു. ഗവ/എയ്ഡഡ് സ്‌കൂളുകള്‍, കോളേജുകള്‍, പ്രൊഫഷണല്‍ കോളേജുകള്‍, ഐ.ടി.ഐകള്‍, പോളിടെക്‌നിക്കുകള്‍, ഗവേഷണ സ്ഥാപനങ്ങള്‍, രജിസ്റ്റേഡ് എന്‍.ജി.ഒ കള്‍ എന്നിവര്‍ക്ക് അപേക്ഷ സമര്‍പ്പിക്കാം. ഈ വര്‍ഷത്തെ മുഖ്യവിഷയമായ മോണ്‍ട്രിയല്‍ ഉടമ്പടി -ശാന്തരായി മുന്നോട്ട് ആസ്പദമാക്കിയാണ് കാര്യപരിപാടികള്‍ ആസൂത്രണം ചെയ്യേണ്ടത്.  അപേക്ഷാഫോറം, നിര്‍ദ്ദേശങ്ങള്‍, മറ്റ് വിശദാംശങ്ങള്‍ എന്നിവ കൗണ്‍സിലിന്റെ www.kscste.kerala.gov.in എന്ന വെബ്‌സൈറ്റില്‍ ലഭ്യമാണ്. നിര്‍ദ്ദിഷ്ട അപേക്ഷാ ഫോറത്തില്‍ തയ്യാറാക്കിയ അപേക്ഷകള്‍ ഡയറക്ടര്‍, കേരള ശാസ്ത്രസാങ്കേതിക പരിസ്ഥിതി കൗണ്‍സില്‍, ശാസ്ത്രഭവന്‍, പട്ടം, തിരുവനന്തപുരം 695 004 എന്ന വിലാസത്തില്‍ അയയ്ക്കണം. അവസാന തീയതി ആഗസ്റ്റ് 17.

പി.എന്‍.എക്‌സ്.3285/18