മാധ്യമകോഴ്‌സുകളിലെ പ്രവേശനം : മീഡിയ അക്കാദമി പുനഃപരീക്ഷ നടത്തും

മഴക്കെടുതിയും യാത്രാദുരിതവും മൂലം പ്രവേശനപരീക്ഷയില്‍ പങ്കെടുക്കാതിരുന്ന പരീക്ഷാര്‍ത്ഥികള്‍ക്കായി കേരള മീഡിയ അക്കാദമി പുനഃപ്രവേശനപരീക്ഷ നടത്തും. ജേര്‍ണലിസം & കമ്യൂണിക്കേഷന്‍, ടെലിവിഷന്‍ ജേര്‍ണലിസം, പബ്ലിക് റിലേഷന്‍സ് & അഡ്വര്‍ടൈസിങ് ബിരുദാനന്തര ഡിപ്ലോമ കോഴ്‌സുകളിലേക്കുള്ള പുനഃപ്രവേശന പരീക്ഷ ആഗസ്റ്റ് 10 ന് രാവിലെ 10.30 മുതല്‍ðഎറണാകുളത്ത് കാക്കനാട്ടെ കേരള മീഡിയ അക്കാദമിയുടെ കാമ്പസില്‍ðനടത്തും.

അപേക്ഷ നല്‍കിയിട്ടും പരീക്ഷയില്‍ പങ്കെടുക്കാന്‍ കഴിയാത്തവര്‍ക്കും പുതിയതായി പ്രവേശനം തേടുന്നവര്‍ക്കും പരീക്ഷ എഴുതാം. പുതിയ അപേക്ഷകര്‍ക്കുള്ള അപേക്ഷാഫോമുകള്‍ പരീക്ഷ നടക്കുന്ന തിയതിയില്‍ð അക്കാദമിയുടെ ഓഫീസില്‍ നിന്ന് ലഭിക്കും. 300 രൂപ അപേക്ഷാഫീസോടെ അന്ന് തന്നെ അപേക്ഷ പൂരിപ്പിച്ച് നല്‍കാം. 300 രൂപ, രണ്ട് പാസ്‌പോര്‍ട്ട് സൈസ് ഫോട്ടോ, തിരിച്ചറിയല്‍ രേഖകള്‍, എസ്.എസ്.എല്‍.സി, ബിരുദ സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ എന്നിവ സഹിതം എത്തണം. അവസാനവര്‍ഷ ബിരുദപരീക്ഷയെഴുതിയവര്‍ക്കും പരീക്ഷ എഴുതാം. വിശദാംശങ്ങള്‍ക്ക്:  www.keralamediaacademy.org  ഫോണ്‍: 0484-2422275, 2422068, 2100700. 

പി.എന്‍.എക്‌സ്.3322/18