ആശ ഫെസ്റ്റ് 2023: നാലിന് മന്ത്രി കെ.കൃഷ്ണന്‍കുട്ടി ഉദ്ഘാടനം ചെയ്യും
ആരോഗ്യ വകുപ്പിന്റെ ആഭിമുഖ്യത്തില്‍ ആശാപ്രവര്‍ത്തകരുടെ കലാപരമായ കഴിവ് പ്രകടിപ്പിക്കുന്നതിന് ആശ ഫെസ്റ്റ്-2023 സംഘടിപ്പിക്കുന്നു. ഫെബ്രുവരി നാലിന് രാവിലെ ഒന്‍പതിന് മേഴ്‌സി കോളേജ് ഓഡിറ്റോറിയത്തില്‍ നടക്കുന്ന പരിപാടി വൈദ്യുതി വകുപ്പ് മന്ത്രി കെ.കൃഷ്ണന്‍കുട്ടി ഉദ്ഘാടനം ചെയ്യും. ഷാഫി പറമ്പില്‍ എം.എല്‍.എ അധ്യക്ഷനാകുന്ന പരിപാടിയില്‍ വി.കെ ശ്രീകണ്ഠന്‍ എം.പി, ജില്ലാ പഞ്ചായത്ത് പ്രസിഡന്റ് കെ.ബിനുമോള്‍ എന്നിവര്‍ മുഖ്യാതിഥികളാകും. ജില്ലാ കലക്ടര്‍ ഡോ. എസ് ചിത്ര, നഗരസഭാ ചെയര്‍പേഴ്‌സണ്‍ പ്രിയ അജയന്‍, ജില്ലാ മെഡിക്കല്‍ ഓഫീസര്‍ ഡോ.കെ. പി റീത്ത, വാര്‍ഡ് കൗണ്‍സിലര്‍ മിനി, സിനിമാതാരം ഷാജു ശ്രീധര്‍, ഫോക് ലോര്‍ അക്കാദമി ജേതാവ് പ്രണവം ശശി, മേഴ്‌സി കോളെജ് പ്രിന്‍സിപ്പാള്‍ സി.ഗിസല്ല ജോര്‍ജ്, എന്‍.എച്ച്.എം ജില്ലാ പ്രോഗ്രാം മാനേജര്‍ ഡോ.ടി.വി റോഷ് എന്നിവര്‍ പങ്കെടുക്കും.
- Log in to post comments