പുറമേരിയിൽ ബഡ്‌സ് സ്കൂൾ പ്രവേശനോത്സവം സംഘടിപ്പിച്ചു

പുറമേരി ഗ്രാമപഞ്ചായത്ത്‌ ബഡ്‌സ് സ്കൂൾ പ്രവേശനോത്സവം സംഘടിപ്പിച്ചു. വിലാതപുരം ബഡ്‌സ് സ്കൂളിൽ നടന്ന പരിപാടി ഗ്രാമപഞ്ചായത്ത്‌ പ്രസിഡന്റ്‌ അഡ്വ വി കെ ജ്യോതി ലക്ഷ്മി ഉദ്ഘാടനം ചെയ്തു. പഞ്ചായത്ത് വൈസ്  പ്രസിഡന്റ്‌ സി എം വിജയൻ മാസ്റ്റർ അധ്യക്ഷത വഹിച്ചു. മധുരം വിതരണം ചെയ്തും കലാ പരിപാടികൾ അവതരിപ്പിച്ചും  പ്രവേശനോത്സവം വർണ്ണാഭമാക്കി. സാംസ്കാരിക പ്രവർത്തകനും കഥാകൃത്തുമായ അനു പാട്യംസ് മുഖ്യാതിഥിയായി. പ്രത്യേക പരിഗണന അർഹിക്കുന്ന കുട്ടികൾക്ക് പ്രവേശനോത്സവ ചടങ്ങിൽ സമ്മാനങ്ങൾ വിതരണം ചെയ്തു. ഗ്രാമപഞ്ചായത്ത്‌  സെക്രട്ടറി സിന്ധു പി ജി, പൊതുപ്രവർത്തകർ തുടങ്ങിയവർ സംസാരിച്ചു.