ഉപതിരഞ്ഞെടുപ്പ് ഓഗസ്റ്റ് 10ന്

ജില്ലയിലെ തെ•ല ഗ്രാമപഞ്ചായത്തിലെ ഒറ്റക്കല്‍ (സ്ത്രീ സംവരണം), ആദിച്ചനല്ലൂര്‍ ഗ്രാമപഞ്ചായത്തിലെ പുഞ്ചിരിച്ചിറ (ജനറല്‍) വാര്‍ഡുകളില്‍ ഓഗസ്റ്റ് 10ന് ഉപതിരഞ്ഞെടുപ്പ് നടത്തും. ഇന്നലെ (ജൂലൈ 15) വിജ്ഞാപനം പുറപ്പെടുവിച്ചു. നാമനിര്‍ദേശ പത്രിക ജൂലൈ 22 വരെ സമര്‍പ്പിക്കാം. 24ന് സൂക്ഷ്മ പരിശോധന. 26 വരെ സ്ഥാനാര്‍ഥിത്വം പിന്‍വലിക്കാം. ഓഗസ്റ്റ് 10ന് രാവിലെ ഏഴ് മുതല്‍ വൈകീട്ട് ആറു വരെയാണ് വോട്ടെടുപ്പ്. 11ന് രാവിലെ 10 മുതല്‍ വോട്ടെണ്ണല്‍. ഉപതിരഞ്ഞെടുപ്പുമായി ബന്ധപ്പെട്ട് വരണാധികാരികളുടെയും ഉപവരണാധികാരികളുടെയും മറ്റു ഉദ്യോഗസ്ഥരുടെയും യോഗം ജില്ലാ കലക്ടറുടെ അധ്യക്ഷതയില്‍ ജൂലൈ 18 ന് വൈകിട്ട് നാലിന് കളക്ടറേറ്റില്‍ ചേരും.