ഇലന്തൂരില്‍ ഡബിള്‍ ചേംമ്പേര്‍ഡ് ഇന്‍സിനറേറ്റര്‍ പദ്ധതി വരുന്നു

  ഡബിള്‍ ചേംമ്പേര്‍ഡ് ഇന്‍സിനറേറ്റര്‍ പദ്ധതി ഇലന്തൂരില്‍ ബ്ലോക്ക് പഞ്ചായത്ത് നടപ്പിലാക്കും. സാനിട്ടറി വേസ്റ്റ്, ബയോ മെഡിക്കല്‍ വേസ്റ്റ്, ബേബി കെയര്‍- അഡല്‍റ്റ് ഡയപ്പേഴ്സ് എന്നിവ ശാസ്ത്രീയമായി സംസ്‌കരിക്കാനുളള പദ്ധതിയാണിത്. ആലോചനായോഗം പ്രസിഡന്റ് ജെ ഇന്ദിരാ ദേവിയുടെ അധ്യക്ഷതയില്‍ ചേര്‍ന്നു. പഞ്ചായത്ത് പരിധിയില്‍ സാനിട്ടറി മാലിന്യ സംസ്‌കരണത്തിന് ഏറെ സഹായകരമാകും പുതുസംരംഭമെന്ന് പ്രസിഡന്റ് വ്യക്തമാക്കി. ശുചിത്വ മിഷന്‍ കോ-ഓഡിനേറ്റര്‍ നിഫി എസ്. ഹക്കിന്റെ നേതൃത്വത്തിലുളള സംഘം പദ്ധതിരൂപരേഖ വിലയിരുത്തി. സാനിട്ടറി പാര്‍ക്ക് സ്ഥാപിക്കുന്നതും പരിഗണനയിലാണ്.