വലിച്ചെറിയല്‍ മുക്തവാരാചരണം

വെച്ചൂച്ചിറ  ഗ്രാമപഞ്ചായത്തും സെന്റ് തോമസ് ഹൈസ്‌കൂളും സംയുക്തമായി  വലിച്ചെറിയല്‍ വിരുദ്ധ വാരാചരണവും ബസ് സ്റ്റാന്‍ഡ് ശുചീകരണവും നടത്തി. പഞ്ചായത്ത് പ്രസിഡന്റ് ടി. കെ. ജയിംസ് ഉദ്ഘാടനം ചെയ്തു. കര്‍മ്മപരിപാടിയോട് ഐക്യദാര്‍ഢ്യം പ്രഖ്യാപിച്ചുകൊണ്ട് നടത്തിയ സിഗ്നേച്ചര്‍ ക്യാമ്പയിന്റെ ഉദ്ഘാടനം പഞ്ചായത്ത് വൈസ് പ്രസിഡന്റ്  പൊന്നമ്മ ചാക്കോയും കുട്ടിച്ചങ്ങലയുടെ ഉദ്ഘാടനം വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍  രമാദേവിയും നിര്‍വഹിച്ചു. സ്‌കൂള്‍ ഹെഡ്മിസ്ട്രസ്  വി.റ്റി.ലിസി  അധ്യക്ഷയായി.ഹരിതകര്‍മ്മ സേനാംഗങ്ങളും  അധ്യാപകരും വിദ്യാര്‍ഥികളും ചേര്‍ന്ന് വെച്ചൂച്ചിറ ബസ് സ്റ്റാന്‍ഡ് ശുചീകരണം നടത്തി.