അസാപ് കേരളയിലൂടെ ഇന്റേൺഷിപ്പ് അവസരങ്ങൾ

കേരള സർക്കാരിന്റെ ഉന്നത  വിദ്യാഭ്യാസവകുപ്പിനുകീഴിൽ പ്രവർത്തിക്കുന്ന അസാപ് കേരളയിലൂടെ വിവിധ സ്ഥാപനങ്ങളിലേക്ക് ഗ്രാജുവേറ്റ് ഇന്റേൺ തസ്തികയിലേക്ക് അപേക്ഷ ക്ഷണിച്ചു. വിവിധ ജില്ലകളിലായുള്ള ഈ അവസരങ്ങളിലേക്ക് ഫെബ്രുവരി 20 ന് വൈകീട്ട് 5  ന് മുമ്പ് ഓൺലൈനായി അപേക്ഷ സമർപ്പിക്കണം. അപേക്ഷ ഫീസ് 500 രൂപ.

ലൈഫ് മിഷൻ ഇന്റേൺ തസ്തികയുടെ യോഗ്യത എൻജിനിയറിങ്/ നോൺ-എൻജിനിയറിങ് ബിരുദമാണ്. നിലവിൽ അഞ്ച് ഒഴിവുകളാണുള്ളത്. അപേക്ഷ സമർപ്പിക്കുന്നതിന്  https://connect.asapkerala.gov.in/events/14567 സന്ദർശിക്കുക.

എൽ.എസ്.ജി ഡി (തദ്ദേശ സ്വയംഭരണ വകുപ്പ്) ഇന്റേൺ തസ്തികയുടെ യോഗ്യത ബി.ടെക് സിവിലാണ്. 55 ഒഴിവുകളാണ് നിലവിലുള്ളത്. അപേക്ഷ സമർപ്പിക്കുന്നതിന്: https://connect.asapkerala.gov.in/events/14565 സന്ദർശിക്കുക.

 കേരള ഇറിഗേഷൻ ഇൻഫ്രാസ്റ്റ്‌സർ ഡെവലപ്മെന്റ് കോർപ്പറേഷൻ ലിമിറ്റഡ് (KIIDC) ഇന്റേൺ തസ്തികയുടെ യോഗ്യത ബി.ടെക്/ എം.ടെക്  സിവിലാണ്. പത്ത് ഒഴിവുകളാണ് നിലവിലുള്ള്‌ളത് അപേക്ഷ സമർപ്പിക്കുന്നതിന്  https://connect.asapkerala.gov.in/events/14673 സന്ദർശിക്കുക.

കേരള ലാൻഡ് ഡെവലപ്മെന്റ് കോർപ്പറേഷൻ ലിമിറ്റഡ് (KLDC) ഇന്റേൺ തസ്തികയുടെ യോഗ്യത ബി.ടെക് സിവിലാണ്. 35 ഒഴിവുകളാണ് നിലവിലുള്ളത്. അപേക്ഷ സമർപ്പിക്കുന്നതിന് : https://connect.asapkerala.gov.in/events/14339 സന്ദർശിക്കുക.

 സംസ്ഥാന മലിനീകരണ നിയന്ത്രണ  ബോർഡ് ഇന്റേൺ തസ്തികയിലേക്കുള്ള യോഗ്യത : ബി.ടെക് സിവിലാണ്. ഏഴ് ഒഴിവുകളാണ് നിലവിലുള്ളത്. അപേക്ഷ സമർപ്പിക്കുന്നതിന്  https://connect.asapkerala.gov.in/events/13925 സന്ദർശിക്കുക.

തദ്ദേശ സ്വയംഭരണ വകുപ്പ് ഇന്റേൺ തസ്തികയിലേക്കുള്ള യോഗ്യത  ബിരുദധാരികൾ, എൻജിനിയറിങ് ബിരുദധാരികൾ, ഐടി/ കംപ്യുട്ടർ സയൻസ് / കംപ്യുട്ടർ എൻജിനിയറിങ്/ ഇലക്ട്രോണിക്സ്/ കംമ്പ്യൂട്ടർ അപ്ലിക്കേഷൻ എന്നിവയാണ്. രണ്ട് ഒഴിവുകൾ. അപേക്ഷ സമർപ്പിക്കുന്നതിന് : https://connect.asapkerala.gov.in/events/14746 സന്ദർശിക്കുക.

പി.എൻ.എക്സ് 736/2025