ജി ബിന്‍ യൂണിറ്റ് വിതരണം ചെയ്തു

ഏറത്ത് ഗ്രാമപഞ്ചായത്തില്‍ ജൈവമാലിന്യ സംസ്‌കരണത്തിനു ജി ബിന്‍ വിതരണം ചെയ്തു. പഞ്ചായത്തിലെ 34 സ്ഥാപനങ്ങള്‍ക്ക് നല്‍കിയ ജി ബിന്‍ യൂണിറ്റിന്റെ വിതരണോദ്ഘാടനം പ്രസിഡന്റ് രാജേഷ് ആമ്പാടി നിര്‍വഹിച്ചു. 2023-24 ജനകീയാസൂത്രണ പദ്ധതിയില്‍ ഉള്‍പ്പെടുത്തി 1,28,170 രൂപ ചെലവഴിച്ച് 24 അങ്കണവാടികള്‍, അഞ്ചു വീതം സ്‌കൂളുകള്‍,  ഓഫീസുകള്‍ എന്നിവയ്ക്കാണ് ജി ബിന്‍ വിതരണം ചെയ്തത്.
പഞ്ചായത്ത് ഹാളില്‍ നടന്ന പരിപാടിയില്‍ വൈസ് പ്രസിഡന്റ് ശ്രീജകുമാരി അധ്യക്ഷയായി. സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ അനില്‍ പൂതക്കുഴി, ഉഷ ഉദയന്‍, മറിയാമ്മ തരകന്‍, പഞ്ചായത്ത് അംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.