Post Category
കണ്വേയര് ബെല്റ്റ് സ്ഥാപിച്ച് ആറന്മുള പഞ്ചായത്ത്
മാലിന്യം തരം തിരിക്കുന്നതിനു കണ്വേയര് ബെല്റ്റ് സ്ഥാപിച്ച് ആറന്മുള ഗ്രാമപഞ്ചായത്ത്. കോട്ടയില് സ്ഥിതി ചെയ്യുന്ന എംസിഎഫില് സ്ഥാപിച്ച കണ്വേയര് ബെല്റ്റിന്റെ ഉദ്ഘാടനം പ്രസിഡന്റ് ഷീജ റ്റി റ്റോജി നിര്വഹിച്ചു. ജില്ലയില് ആദ്യമായാണ് ഒരു ഗ്രാമപഞ്ചായത്ത് മാലിന്യം തരംതിരിക്കുന്ന യന്ത്രം എംസിഎഫില് സ്ഥാപിക്കുന്നത്. 4,50,000 രൂപ ചെലവഴിച്ചാണ് നിര്മാണം. ഹരിതകര്മ്മ സേനാംഗങ്ങള്ക്ക് സമയബന്ധിതമായി പ്ലാസ്റ്റിക്ക് തിരഞ്ഞു മാറ്റുന്നതിന് ഇത് സഹായിക്കും. വാര്ഡ് അംഗം എ എസ് മത്തായി അധ്യക്ഷനായി. അംഗങ്ങളായ വില്സി ബാബു, ശരണ് പി ശശിധരന്, പഞ്ചായത്ത് സെക്രട്ടറി ആര് രാജേഷ്, ഹെല്ത്ത് ഇന്സ്പെക്ടര് സൗമ്യ, ഹരിത കര്മ സേനാഗങ്ങള് തുടങ്ങിയവര് പങ്കെടുത്തു.
date
- Log in to post comments