മുഹമ്മയില്‍ മഞ്ഞൾ, കിഴങ്ങ് വിത്തുകള്‍ വിതരണം ചെയ്തു

മുഹമ്മ ഗ്രാമപഞ്ചായത്ത് 2024-25 ജനകീയ ആസൂത്രണ പദ്ധതിയിൽ  ഉൾപ്പെടുത്തി 16 വാർഡുകളിലെ ഗ്രാമസഭാ പട്ടികയില്‍ ഉൾപ്പെട്ടവർക്ക് മഞ്ഞൾ, കിഴങ്ങ് വർഗ്ഗങ്ങൾ എന്നിവയുടെ വിത്ത് അടങ്ങിയ കിറ്റ് വിതരണം ചെയ്തു. മുഹമ്മ കൃഷി ഓഫീസിൽ നടന്ന ചടങ്ങിൽ പഞ്ചായത്ത് പ്രസിഡന്റ് സ്വപ്ന ഷാബു വിതരണ ഉദ്ഘാടനം നിർവഹിച്ചു. കിഴങ്ങ് വർഗ്ഗങ്ങളായ ചേന, ചേമ്പ് എന്നിവയുടെ വിത്തുകൾ മൂന്ന് കിലോയും അഞ്ച് കിലോ മഞ്ഞൾ വിത്തുമാണ് വിതരണം ചെയ്തത്. 11 ലക്ഷം രൂപയാണ് പദ്ധതി ചെലവ്. ചടങ്ങിൽ സ്ഥിരംസമിതി അധ്യക്ഷ നസീമ ടീച്ചർ, പഞ്ചായത്തംഗങ്ങളായ ഷേജിമോൾ സജീവ്, വിനോമ രാജു, കൃഷി ഓഫീസർ പി എം കൃഷ്ണ, മറ്റു ജനപ്രതിനിധികൾ തുടങ്ങിയവർ പങ്കെടുത്തു.
(പിആർ/എഎൽപി 870)