തൊഴിലധിഷ്ഠിത കമ്പ്യൂട്ടർ കോഴ്‌സുകളിലേക്ക് അപേക്ഷ ക്ഷണിച്ചു

എൽ.ബി.എസ് സെന്റർ ഫോർ സയൻസ് ആന്റ് ടെക്‌നോളജിയുടെ തൃശ്ശൂർ മേഖലാ കേന്ദ്രത്തിൽ മാർച്ച്/ ഏപ്രിൽ മാസത്തിൽ ആരംഭിക്കുന്ന തൊഴിലധിഷ്ഠിത കമ്പ്യൂട്ടർ കോഴ്സുകളിലേക്ക് അപേക്ഷ ക്ഷണിച്ചു. ആറ് മാസത്തെ ഡി.സി.എഫ്.എ കോഴ്‌സിലേക്കും നാല് മാസത്തെ ടാലി കോഴ്‌സിലേക്കുമാണ് അപേക്ഷ ക്ഷണിച്ചത്. പ്ലസ് ടൂ/പ്രീ-ഡിഗ്രി/ ഡിഗ്രി (കൊമേഴ്സ്) യോഗ്യതയുള്ളവർക്ക്  www.lbscentre.kerala.gov.in എന്ന വെബ്‌സൈറ്റിലൂടെ അപേക്ഷ സമർപ്പിക്കാം. എസ്.സി/ എസ്.ടി/ ഒ.ഇ.സി വിഭാഗത്തിന് ഫീസ് ആനുകൂല്യം ലഭ്യമാണ്. വിലാസം- അസിസ്റ്റന്റ് ഡയറക്ടർ, എൽ. ബി.എസ് സെന്റർ, ആലുംവെട്ടുവഴി, ചിയ്യാരം, തൃശൂർ. ഫോൺ- 0487-2250751, 9447918589, 7559935097