Post Category
കുടിശ്ശിക ഒറ്റത്തവണ തീര്‍പ്പാക്കല്‍
കേരള ഖാദി ഗ്രാമ വ്യവസായ ബോര്‍ഡില്‍ നിന്നും സി.ബി.സി/ പാറ്റേണ്‍ പദ്ധതികള്‍ പ്രകാരം വായ്പയെടുത്ത് കുടിശ്ശിക വരുത്തിയ വ്യക്തികള്‍ക്കും, സ്ഥാപനങ്ങള്‍ക്കും പലിശയില്‍ ഇളവുകള്‍ നല്‍കി ഒറ്റത്തവണയായി കുടിശ്ശിക തീര്‍പ്പാക്കുന്നതിന് അവസരം നല്‍കുന്നു. മാര്‍ച്ച് 31 നകം തുക അടയ്ക്കുന്നവര്‍ക്കാണ് ഇളവുകള്‍ ലഭിക്കുക. ജില്ലയില്‍ നിന്നും സി.ബി.സി/ പാറ്റേണ്‍ പദ്ധതികള്‍ പ്രകാരം വായ്പയെടുത്ത് കുടിശ്ശിക വരുത്തിയിട്ടുള്ള എല്ലാവര്‍ക്കും പലിശ ഇനത്തില്‍ ഇളവുകള്‍ ലഭിക്കും. ലോണ്‍ തിരിച്ചടവ് കാലഘട്ടത്തില്‍ മരിച്ച വ്യക്തികളുടെ ബന്ധുക്കള്‍ മരണ സര്‍ട്ടിഫിക്കറ്റുമായി ഹാജരായാല്‍ ഇളവുകള്‍ അനുവദിക്കുമെന്ന് പ്രോജക്ട് ഓഫീസര്‍ അറിയിച്ചു. ഫോണ്‍: 9188401609, 04872338699.
date
- Log in to post comments