ഒറ്റത്തവണ തീർപ്പാക്കൽ പദ്ധതി; ആർ.ടി. ഓഫീസ് ഞായറും തിങ്കളും പ്രവർത്തിക്കും

മോട്ടോർ വാഹന വകുപ്പിന്റെ ഒറ്റത്തവണ തീർപ്പാക്കൽ പദ്ധതി മാർച്ച് 31ന് അവസാനിക്കുന്നതിനാൽ മാർച്ച് 30,31 (ഞായർ, തിങ്കൾ) ദിവസങ്ങളിൽ കോട്ടയം ആർ.ടി.ഒ. ഓഫീസ് തുറന്നുപ്രവർത്തിക്കുമെന്ന് ജില്ലാ റീജണൽ ട്രാൻസ്‌പോർട് ഓഫീസർ അറിയിച്ചു. റവന്യൂ റിക്കവറി നേരിടുന്നവ, കാലപ്പഴക്കം കൊണ്ട് ഉപയോഗ ശൂന്യമായി നാലുവർഷത്തിലധികമായി നികുതി അടയ്ക്കാത്തവ, വർഷങ്ങളായി ഉടമസ്ഥാവകാശം കൈമാറാത്തവ തുടങ്ങിയ വാഹനങ്ങൾക്ക്  റിവന്യൂ റിക്കവറി പദ്ധതിയിലൂടെ ഭാവിയിലെ നികുതി ബാധ്യതയിൽ നിന്ന് റവന്യൂ റിക്കവറി നടപടികളിൽ നിന്ന് ഒഴിവാക്കപ്പെടും. ട്രാൻസ്‌പോർട്ട് വാഹനങ്ങൾക്ക് 70 ശതമാനവും സ്വകാര്യ വാഹനങ്ങൾക്ക് 60 ശതമാനവുമാണ് നികുതിയിളവ് ലഭിക്കുന്നത്.
ജില്ലയിൽ  ശനിയാഴ്ച വരെ ഒറ്റത്തവണ തീർപ്പാക്കൽ പദ്ധതിയിലൂടെ 772 വാഹനങ്ങൾ നികുതി ഇളവ് നേടിയതായി  ജില്ലാ റീജണൽ ട്രാൻസ്‌പോർട് ഓഫീസർ കെ. അജിത് കുമാർ അറിയിച്ചു. ഇതുവഴി 39,45,800 രൂപ സർക്കാരിലേക്ക് ലഭിച്ചതായും അദ്ദേഹം പറഞ്ഞു.