ജഗതി ഗവ. ബധിര വിദ്യാലയത്തിൽ അഡ്മിഷൻ ആരംഭിച്ചു

കേൾവി പരിമിതരായ വിദ്യാർഥികൾക്കുള്ള സ്ഥാപനമായ ജഗതി ഗവ. ബധിര വിദ്യാലയത്തിൽ ഒന്നുമുതൽ 10 വരെ ക്ലാസുകളിലേക്ക് അഡ്മിഷൻ ആരംഭിച്ചു. കേൾവി പരിമിതരായ കുട്ടികൾക്ക് പ്രീ പ്രൈമറി മുതൽ എച്ച്.എസ്, ടി.എച്ച്.എസ്, എച്ച്.എസ്.എസ്, വി.എച്ച്.എസ്.എസ്. വിഭാഗങ്ങളിൽ പഠനം പൂർത്തിയാക്കാനുള്ള അവസരം ലഭ്യമാണ്. ദിവസേന വന്ന് അധ്യയനം നടത്താൻ കഴിയാത്തവർക്കായി ഹോസ്റ്റൽ സംവിധാനം ലഭ്യമാണ്. ഭക്ഷണം, താമസം എന്നിവ സൗജന്യമാണ്. പ്രത്യേക പരിശീലനം ലഭിച്ച അധ്യാപകരാണ് ക്ലാസുകൾ നൽകുന്നത്. സംസാര പരിശീലന സൗകര്യങ്ങൾ (സ്പീച്ച് തെറാപ്പി), കേൾവി പരിശോധന സംവിധാനങ്ങൾ എന്നിവ ഒരുക്കിയിട്ടുണ്ട്. കേൾവി പരിശോധനാ സർട്ടിഫിക്കറ്റുമായി എത്തുന്ന മൂന്ന് വയസ് മുതൽ 10 വരെ ക്ലാസുകളിലെ കുട്ടികൾക്ക് പ്രവേശനം നേടാം. കൂടുതൽ വിവരങ്ങൾക്ക്: 9497000185, 9495037479, 9497016443.

പി.എൻ.എക്സ് 1656/2025