അഭിമുഖം മെയ് 20ന്
പട്ടികവര്‍ഗ വികസന വകുപ്പിന്റെ കീഴില്‍ അട്ടപ്പാടി മുക്കാലിയിലെ അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ അടുത്ത അധ്യയന വര്‍ഷത്തേക്കുള്ള പ്രവേശന പരീക്ഷയും അഭിമുഖവും മെയ് 20ന് രാവിലെ 11 മണിക്ക് നടക്കും. ആറ്, എട്ട്, പത്ത് ക്ലാസുകളിലേക്കുള്ള പെണ്‍കുട്ടികള്‍ക്ക് മാത്രമാണ് അവസരം.
ആറാം ക്ലാസില്‍ പട്ടികവര്‍ഗ്ഗ വിഭാഗത്തിലും എട്ട്, പത്ത് ക്ലാസുകളില്‍ ജനറല്‍ വിഭാഗത്തിലുമാണ് ഒഴിവുള്ളത്. ജനറല്‍ വിഭാഗത്തിലെ വിദ്യാര്‍ഥികളുടെ അഭാവത്തില്‍ പട്ടികവര്‍ഗ വിഭാഗത്തിലെ പെണ്‍കുട്ടികളെ പരിഗണിക്കും. കുടുംബ വാര്‍ഷിക വരുമാനം രണ്ടു ലക്ഷം രൂപയോ, അതില്‍ കുറവുള്ളതോ ആയ പെണ്‍കുട്ടികള്‍ക്കാണ് പ്രവേശനം. താല്‍പര്യമുള്ളവര്‍ ജാതി, വരുമാന സര്‍ട്ടിഫിക്കറ്റുകളുടെ അസ്സല്‍ പകര്‍പ്പുകള്‍, വിദ്യാര്‍ഥിനിയുടെ പാസ്പോര്‍ട്ട് സൈസ് ഫോട്ടോ, ആധാര്‍, മുമ്പ് പഠിച്ച സ്‌കൂള്‍ മേധാവിയുടെ സാക്ഷ്യപത്രം എന്നിവ സഹിതം എത്തണം. ഫോണ്‍: 04924-253347, 9947681296.
- Log in to post comments