ഫിഷറീസ് മന്ത്രിമാരുടെ കോണ്ഫറന്സ് ഇന്നും നാളെയും (നവംബര് 10,11) ഇന്ന് (10-ന്) രാവിലെ 10 മണിക്ക് മുഖ്യമന്ത്രി ഉദ്ഘാടനം ചെയ്യും
കൊച്ചി: ദക്ഷിണേന്ത്യയിലെ ഫിഷറീസ് മന്ത്രിമാരുടെ കോണ്ഫറന്സ് എറണാകുളം സെന്ട്രല് മറൈന് ഫിഷറീസ് റിസര്ച്ച് ഇന്സ്റ്റിറ്റിയൂട്ടില് (സിഎംഎഫ്ആര്ഐയില്) നവംബര് 10,11 തീയതികളില് നടക്കും. ഇന്ന് (നവംബര് 10ന്) രാവിലെ 10ന് മുഖ്യമന്ത്രി പിണറായി വിജയന് കോണ്ഫറന്സ് ഉദ്ഘാടനം ചെയ്യും. കേരളത്തിലെയും ആന്ധ്രപ്രദേശ്, കര്ണാടക, തമിഴ്നാട്, ഗോവ, മഹാരാഷ്ട്ര, പോണ്ടിച്ചേരി, ലക്ഷദ്വീപ്, ആന്ഡമാന് & നിക്കോബര് ദ്വീപുകള് എന്നിവിടങ്ങളിലെയും ഫിഷറീസ് മന്ത്രിമാര് കോണ്ഫറന്സില് പങ്കെടുക്കും. ഇന്ത്യന് മറൈന് ഫിഷറീസിന്റെ സ്ഥിരത ഉറപ്പുവരുത്തുക (Ensuring Sustainabiltiy of Indian Marine Fisheries) എന്ന വിഷയത്തില് നടക്കുന്ന കോണ്ഫറന്സില് ദക്ഷിണേന്ത്യന് സംസ്ഥാനങ്ങളില് നിന്നുള്ള ഫിഷറീസ് വകുപ്പ് ഡയറക്ടര്മാര്, പ്രിന്സിപ്പല് സെക്രട്ടറിമാര്, വിവിധ കേന്ദ്ര സംസ്ഥാന സ്ഥാപനങ്ങളില് നിന്നും സര്വകലാശാലകളില് നിന്നുമുള്ള ശാസ്ത്രജ്ഞര്, പ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുക്കും.
- Log in to post comments