എന്റെ കേരളം മേളയില്‍ സൗജന്യമായി അക്ഷയ സേവനം

 
എന്റെ കേരളം പ്രദര്‍ശന വിപണന മേളയില്‍ സൗജന്യ ഓണ്‍ലൈന്‍ സേവനം അക്ഷയ ഒരുക്കും. കേരള സ്റ്റേറ്റ് ഐടി മിഷന്റെ നേതൃത്വത്തിലാണ് അക്ഷയ ഹെല്‍പ് ഡെസ്‌ക്. ആധാര്‍ എന്റോളിംഗ്, ആധാര്‍ കാര്‍ഡ് പുതുക്കല്‍, തെറ്റുതിരുത്തല്‍, ആധാറുമായി റേഷന്‍, പാന്‍ കാര്‍ഡുകള്‍ ബന്ധിപ്പിക്കല്‍ തുടങ്ങിയ ഓണ്‍ലൈന്‍ സേവനം അക്ഷയ ഹെല്‍പ് ഡെസ്‌ക് മുഖേന സന്ദര്‍ശകര്‍ക്ക് ലഭ്യമാകും. വ്യക്തിഗത രേഖ ഡിജിറ്റലായി സൂക്ഷിക്കുന്ന ഡിജിലോക്കര്‍ സംവിധാനവും സ്റ്റാളില്‍ ഏര്‍പ്പെടുത്തും. ആധാറുമായി രജിസ്റ്റര്‍ ചെയ്ത മൊബൈല്‍ നമ്പര്‍ ഉപയോഗിച്ച് ഡിജിലോക്കര്‍ സേവനം സന്ദര്‍ശകര്‍ക്ക് ഉപയോഗപ്പെടുത്താം.