ഗെയിമുകളിലൂടെ അറിവ് പകരാന്‍ എക്സൈസ് സ്റ്റാള്‍

യുവജനതയെ കീഴ്പ്പെടുത്തുന്ന മയക്കുമരുന്ന് ലഹരിക്കെതിരെ ഗെയിമുകളിലൂടെ സന്ദേശം പകരാന്‍ എന്റെ കേരളം പ്രദര്‍ശന മേളയില്‍ സ്റ്റാളുമായി എക്സൈസ് വകുപ്പ്. ലഹരി ഉപയോഗത്തിന്റെ ദൂഷ്യഫലങ്ങള്‍ ജനങ്ങളില്‍ എത്തിക്കാന്‍ ബോധവല്‍ക്കരണവും പരാതി സ്വീകരിക്കുന്നതിന് സീക്രട്ട് ബോക്സും ഒരുക്കും. ലഹരിക്കെതിരെ ഒരു ത്രോ എന്ന ആശയവുമായി ബാസ്‌ക്കറ്റ് ബോള്‍ ക്രമീകരിച്ചിട്ടുണ്ട്. ഒപ്പം ഡാറ്റ് ബോര്‍ഡ്, പസില്‍, ലഹരിക്കെതിരെ ക്യാപ്ഷന്‍ തുടങ്ങിയവ ഒരുക്കും. ദിനംപ്രതിയുള്ള ചോദ്യോത്തര നറുക്കെടുപ്പില്‍ ജേതാവാകുന്നവര്‍ക്ക് സമ്മാനവുമുണ്ട്. പ്രായഭേദമന്യേ എല്ലാവര്‍ക്കും പങ്കെടുക്കാം. മേളയില്‍ എക്‌സൈസ് വകുപ്പിന്റെ നേതൃത്വത്തില്‍ ലഹരിവിരുദ്ധ നാടകം, കളരിപയറ്റ് എന്നിവയും അരങ്ങേറും.