കോഴഞ്ചേരി താലൂക്ക് വികസന സമിതി
കോഴഞ്ചേരി താലൂക്ക് വികസന സമിതി യോഗം പത്തനംതിട്ട നഗരസഭാ കോണ്‍ഫറന്‍സ് ഹാളില്‍ നടന്നു.
ഓമല്ലൂര്‍ ഗ്രാമപഞ്ചായത്ത് പ്രസിഡന്റ് ജോണ്‍സണ്‍ വിളവിനാല്‍ അധ്യക്ഷനായി. പത്തനംതിട്ട നഗരസഭയിലെ വിവിധ മേഖലകളില്‍ പകര്‍ച്ചവ്യാധി പടരുന്ന സാഹചര്യം വിലയിരുത്തി. സ്റ്റേഡിയം ജംഗ്ഷനില്‍ നിന്നുളള വണ്‍വേയില്‍ നിയമം തെറ്റിച്ച് വാഹനങ്ങള്‍ കടന്നുവന്ന് അപകടമുണ്ടാക്കുന്നതിനാല്‍ സ്റ്റേഡിയം ജംഗ്ഷനില്‍ സൈന്‍ ബോര്‍ഡ് സ്ഥാപിക്കണമെന്ന് യോഗം ആവശ്യപ്പെട്ടു. ജില്ലാ സൈനികക്ഷേമ ബോര്‍ഡ് ഓഫീസ് പഴയ ബിഎസ്എന്‍എല്‍ സമുച്ചയത്തിലേക്ക് മാറ്റുന്ന വിഷയം ജില്ലാ കല്കടറുടെ ശ്രദ്ധയില്‍പെടുത്തണമെന്ന്
രാഷ്ട്രീയ പാര്‍ട്ടി പ്രതിനിധി മാത്യു ജി ഡാനിയേല്‍ ആവശ്യപ്പെട്ടു. ജനകീയ അദാലത്ത് നടത്തി പരിഹരിയ്‌ക്കേണ്ടതായ 2010 മുതലുളള ന്യായവില പ്രശ്‌നം പരിഹരിക്കണമെന്നും യോഗം ആവശ്യപ്പെട്ടു. കോഴഞ്ചേരി തഹസില്‍ദാര്‍ റ്റി കെ നൗഷാദ്, വിവിധ രാഷ്ട്രീയ പാര്‍ട്ടി പ്രതിനിധികള്‍, താലൂക്ക്തല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
- Log in to post comments