വായ്പാ പദ്ധതി; അപേക്ഷ ക്ഷണിച്ചു

കേരള സംസ്ഥാന പട്ടികജാതി പട്ടികവര്‍ഗ വികസന കോര്‍പറേഷന്‍ കുടുംബശ്രീ മിഷനില്‍ രജിസ്റ്റര്‍ ചെയ്ത അയല്‍ക്കൂട്ടങ്ങളിലെ എസ് സി, എസ് ടി വിഭാഗം വനിതകള്‍ക്ക് സി ഡി എസ് മുഖേന ഒരുലക്ഷം രൂപ വായ്പ നല്‍കുന്ന പദ്ധതിയിലേക്ക് അപേക്ഷ ക്ഷണിച്ചു. ഒരു സി.ഡി.എസിന് പരമാവധി ഒരു കോടി രൂപ വരെ വായ്പ ലഭിക്കും. കുടുംബ വാര്‍ഷിക വരുമാനം മൂന്ന് ലക്ഷം രൂപയില്‍ താഴെയുള്ള 18 നും 60 വയസ്സിനും ഇടയില്‍ പ്രായമുള്ള എസ് സി, എസ് ടി വിഭാഗക്കാര്‍ക്ക് അപേക്ഷിക്കാം. അയല്‍ക്കൂട്ടം വഴിയാണ് സി.ഡി.എസ്സില്‍ അപേക്ഷ നല്‍കേണ്ടത്. അപേക്ഷാ ഫോറത്തിനും വിശദ വിവരങ്ങള്‍ക്കും എ.കെ.ജി ആശുപത്രിക്ക് സമീപം തട്ടാ കോംപ്ലക്സില്‍ പ്രവര്‍ത്തിക്കുന്ന കോര്‍പറേഷന്റെ ജില്ലാ ഓഫീസുമായി ബന്ധപ്പെടാം. ഫോണ്‍: 04972705036, 9400068513