വിവരം പുതുക്കണം

കേരള കളള് വ്യവസായ തൊഴിലാളി ക്ഷേമനിധി ബോര്‍ഡില്‍ നിലവില്‍ രജിസ്റ്റര്‍ ചെയ്തിട്ടുളള തൊഴിലാളികളുടെ വിവരം എഐഐഎസ് സോഫ്റ്റ് വെയറില്‍ പുതുക്കണം. പത്തനംതിട്ട, തിരുവല്ല, റാന്നി, കോന്നി, മല്ലപ്പളളി, അടൂര്‍, ചിറ്റാര്‍ റേഞ്ചുകളിലെ തൊഴിലാളികള്‍ക്ക് ജൂലൈ 17ന് രാവിലെ 10 മുതല്‍ തിരുവല്ല കറ്റോടുളള ജില്ലാ ഓഫീസിലും അക്ഷയകേന്ദ്രത്തിലും മാവേലിക്കര, നൂറനാട്, ചെങ്ങന്നൂര്‍ റേഞ്ചുകളിലെ തൊഴിലാളികള്‍ക്ക് ജൂലൈ 19 ന് മാവേലിക്കര കൊറ്റാര്‍കാവ് ചെത്തു തൊഴിലാളി യൂണിയന്‍ സിഐറ്റിയു ക്യാമ്പ് ഓഫീസിലും ക്യാമ്പ് സംഘടിപ്പിച്ചിട്ടുണ്ടെന്ന് വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു. ആധാറിന്റെ പകര്‍പ്പ്, ജനന തീയതി തെളിയിക്കുന്ന സര്‍ട്ടിഫിക്കറ്റ്, പാസ് പോര്‍ട്ട് സൈസ് ഫോട്ടോ, ബാങ്ക് പാസ് ബുക്ക് പകര്‍പ്പ്, ക്ഷേമനിധി കാര്‍ഡ് എന്നിവ കരുതണം. ഫോണ്‍ : 04692603074.