ഭരണ പരിഷ്‌കാര കമ്മീഷൻ ഹിയറിങ് ഇന്ന്; വി.എസ്. പങ്കെടുക്കും

ആലപ്പുഴ: ഭരണപരിഷ്‌കാര കമ്മീഷന്റെ പൗരകേന്ദ്രിത സേവനങ്ങൾ സംബന്ധിച്ച

'പബ്ലിക് ഹിയറിങ് ഇന്ന് ( നവംബർ 30 ന്) ആലപ്പുഴ ജില്ലാപഞ്ചായത്ത് ഹാളിൽ നടത്തും. രാവിലെ 10 ന് കമ്മീഷൻ ചെയർമാൻ വി. എസ്. അച്യുതാനന്ദൻ ഉദ്ഘാടനം ചെയ്യും. തുടർന്ന്, ഉച്ചക്ക് ഒരു മണിവരെ പൊതുജനങ്ങളുടെ അഭിപ്രായങ്ങളും, നിർദ്ദേശങ്ങളും സ്വികരിക്കുന്ന 'പൊതുജനങ്ങളെ കേൾക്കൽ' പരിപാടി നടക്കും. ഉച്ചക്കു ശേഷം രണ്ടു മുതൽ നാലു വരെ പ്രത്യേക ക്ഷണിതാക്കളുമായി കമ്മീഷൻ ആശയവിനിമയം നടത്തും. സർക്കാർ വകുപ്പുകൾ, പൊതുമേഖലാ സ്ഥാപനങ്ങൾ, സർക്കാരിന്റെ മറ്റ് എജൻസികൾ എന്നിവ വഴിയുള്ള സേവനങ്ങളുടെ നിർവ്വഹണത്തിന്റെ മികവാണ് പഠനവിധേയമാക്കുന്നത്. ജനങ്ങളുമായി ദൈനംദിനം ഇടപെടുന്നവകുപ്പുകളായ റവന്യൂ, ആരോഗ്യം, ഗതാഗതം, കൃഷി, തദ്ദേശസ്വയംഭരണം, ജലവിതരണം , ഭക്ഷ്യസുരക്ഷ, പൊതുവിതരണം, സാമൂഹ്യനീതി, പൊലീസ്, വൈദ്യുതി,തുടങ്ങിയവയുടെ സേവനം സംബന്ധിച്ച പ്രവർത്തനം കമ്മീഷൻ അവലോകനം ചെയ്യും.