Post Category
തിരുവല്ല കെ.എസ്.ആര്.ടി.സിഡിപ്പോയില് സാംസ്കാരിക മ്യൂസിയം നിര്മിക്കും: മന്ത്രി ഗണേഷ് കുമാര്
തിരുവല്ലയുടെ ചരിത്രം വിളിച്ചോതുന്ന മ്യൂസിയം തിരുവല്ല കെ എസ് ആര് ടി സി ഡിപ്പോയില് നിര്മിക്കുമെന്ന് മന്ത്രി കെ ബി ഗണേഷ് കുമാര്. തിരുവല്ല ബിലീവേഴ്സ് കണ്വെന്ഷന് സെന്ററില് നടന്ന ഗതാഗതവകുപ്പിന്റെ സംസ്ഥാനതല സെമിനാറിലായിരുന്നു മന്ത്രിയുടെ പ്രഖ്യാപനം.
തിരുവല്ലയുടെ സാംസ്കാരിക പൈതൃകത്തിന്റെ നേര്ചിത്രമായിരിക്കും മ്യൂസിയം. കെ.എസ്.ആര് ടി സി ഡിപ്പോയുടെ എട്ടാം നിലയില് സാംസ്കാരിക നിലയവും തിയേറ്ററും നിര്മിക്കും. ഡിപ്പോയില് എത്തുന്നവര്ക്ക് യാത്രാസൗകര്യത്തിനൊപ്പം വിനോദവും വിജ്ഞാനവും പകരുകയാണ് ലക്ഷ്യമെന്ന് മന്ത്രി വ്യക്തമാക്കി. എം.ജി സോമന് ഫൗണ്ടേഷന് വഴി സംവിധായകന് ബ്ലെസി സമര്പ്പിച്ച നിര്ദേശം പരിഗണിച്ചാണ് മന്ത്രിയുടെ തീരുമാനം.
date
- Log in to post comments