തദ്ദേശ തെരഞ്ഞെടുപ്പ്: മാധ്യമപ്രവര്ത്തകര്ക്കുള്ള മാര്ഗ നിര്ദേശം
തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പ് നിഷ്പക്ഷവും നീതിയുക്തവും സുതാര്യവുമായി നടത്തുന്നതിന് സംസ്ഥാന തിരെഞ്ഞെടുപ്പ് കമ്മീഷന് മാധ്യമ പ്രവര്ത്തകര്ക്കുള്ള പ്രത്യേക മാര്ഗനിര്ദേശം പുറത്തിറക്കി. വോട്ടെടുപ്പിന്റെ സമാപനത്തിന് 48 മണിക്കൂര് സമയപരിധിയില് ഒരു മാധ്യമത്തിലൂടെയും തിരഞ്ഞെടുപ്പ് ഫലത്തെ സ്വാധീനിക്കുന്നതോ ബാധിക്കുന്നതോ ആയ പ്രചാരണം നടത്തരുത്. ഈ 48 മണിക്കൂര് കാലയളവില് മാധ്യമ പ്രവര്ത്തകര് ഏതെങ്കിലും പ്രത്യേക രാഷ്ട്രീയ പാര്ട്ടിക്കോ സ്ഥാനാര്ഥിക്കോ അനുകൂലമാകുന്നതോ പ്രതികൂലമാകുന്നതോ ആയ രീതിയില് എക്സിറ്റ് പോള് നടത്തുന്നതും അനുവദനീയമല്ല. ഇലക്ട്രോണിക് മാധ്യമങ്ങളില് ഇത്തരത്തിലുള്ള ഉള്ളടക്കം ഇല്ലാതിരിക്കാന് ശ്രദ്ധിക്കണമെന്നും കമ്മീഷന് നിര്ദേശിച്ചു. കേബിള് നെറ്റ് വര്ക്ക് ആക്ടിലെ വ്യവസ്ഥകള് സ്ഥാപനങ്ങളും ചുമതലപ്പെട്ട ഉദ്യോഗസ്ഥരും കര്ശനമായി പാലിക്കണം.
- Log in to post comments