'കമ്മ്യൂൺ വർക്ക് നിയർ ഹോം' സെന്ററുകൾക്ക് കെ-ഡിസ്‌ക് താൽപര്യപത്രം ക്ഷണിച്ചു

കേരള നോളജ് ഇക്കണോമി മിഷന്റെ ഭാഗമായി സംസ്ഥാനത്തുടനീളം ''കമ്മ്യൂൺ  വർക്ക് നിയർ ഹോം'' (WNH) സെന്ററുകൾ സ്ഥാപിക്കുന്നതിനായി കെ-ഡിസ്‌ക് താൽപര്യപത്രം ക്ഷണിച്ചു. നോളജ് വർക്കർമാർ, ഫ്രീലാൻസർമാർ, റിമോട്ട് ജീവനക്കാർ, സ്റ്റാർട്ടപ്പുകൾ എന്നിവർക്ക് താമസസ്ഥലത്തിന് സമീപം തന്നെ അതിവേഗ ഇന്റർനെറ്റും പ്രൊഫഷണൽ അടിസ്ഥാന സൗകര്യങ്ങളും ലഭ്യമാക്കി ജോലി ചെയ്യാനുള്ള സൗകര്യം ഒരുക്കുന്നതാണ് പദ്ധതിയുടെ ലക്ഷ്യം.

വ്യക്തിഗത സംരംഭകർ, സ്വകാര്യ സ്ഥാപനങ്ങൾ, സ്റ്റാർട്ടപ്പുകൾ, ട്രസ്റ്റുകൾ, സൊസൈറ്റികൾ, മറ്റ് അംഗീകൃത സ്ഥാപനങ്ങൾ എന്നിവർക്ക് ഓപ്പറേറ്റിംഗ് പാർട്ണർ-ലെഡ് മോഡലിൽ പങ്കാളികളാകാം. പദ്ധതിച്ചിലവിന്റെ നിശ്ചിത ശതമാനം സർക്കാർ സാമ്പത്തിക സഹായമായി ലഭ്യമാക്കും. കെ-ഡിസ്‌കിന്റെ ബ്രാൻഡിംഗിലും മാർഗനിർദ്ദേശത്തിലും ആയിരിക്കും സെന്ററുകൾ പ്രവർത്തിക്കുക.

താൽപര്യമുള്ളവർ നിശ്ചിത മാതൃകയിലുള്ള അപേക്ഷ wnh@kdisc.kerala.gov.in എന്ന ഇമെയിൽ വിലാസത്തിലേക്ക് 'EOI-Commune WNH Center [തുടങ്ങാൻ ഉദ്ദേശിക്കുന്ന സ്ഥലം]' എന്ന സബ്ജക്ട് ലൈനോടെ 2026 മാർച്ച് 31 വൈകിട്ട് 5 മണിക്ക് മുമ്പായി അയയ്ക്കണം. ഇമെയിലിന് പുറമെ അപേക്ഷയുടെ ഹാർഡ് കോപ്പി മെമ്പർ സെക്രട്ടറി, കെ-ഡിസ്‌ക്, 2nd ഫ്‌ലോർ, ഇന്നൊവേഷൻ ടവർ, ഇന്ത്യ ഹൈറ്റ്‌സ് ബിൽഡിംഗ്, വിമൻസ് കോളേജ് റോഡ്, പനവിള, വഴുതക്കാട്, തിരുവനന്തപുരം  695014 എന്ന വിലാസത്തിൽ നേരിട്ടോ തപാലിലോ സമർപ്പിക്കണം.കൂടുതൽ വിവരങ്ങൾക്ക് www.kdisc.kerala.gov.in

പി.എൻ.എക്‌സ്. 947/2026