നോൺ-പോളിംഗ് ഓഫീസർമാർക്ക്‌ ​പോസ്റ്റൽ ബാലറ്റ് അപേക്ഷകൾ ഇന്ന് (28) സമർപ്പിക്കാം

നിയമസഭാ തിരഞ്ഞെടുപ്പുമായി ബന്ധപ്പെട്ട ഡ്യൂട്ടിയുള്ള നോൺ-പോളിംഗ് ഓഫീസർമാർ പോസ്റ്റൽ ബാലറ്റിനുള്ള അപേക്ഷകൾ (ഫോം 12)  ഇന്ന് (മാർച്ച് 28) വൈകിട്ട് 5 മണിക്ക് മുൻപ് നൽകണം.

​ജില്ലാതല ക്ലിയറിംഗ് സെന്ററായ (DLCC) ജില്ലാ പഞ്ചായത്ത് പ്രിയദർശിനി ഹാളിലാണ് അപേക്ഷകൾ എത്തിക്കേണ്ടത്.
​അപേക്ഷയോടൊപ്പം
​പൂരിപ്പിച്ച ഫോം 12
​പോസ്റ്റിംഗ് ഓർഡറിൻ്റെ പകർപ്പ്
​വോട്ടർ പട്ടികയിലെ പാർട്ട് നമ്പർ, സീരിയൽ നമ്പർ
​എപ്പിക് (EPIC) നമ്പർ എന്നിവ ചേർത്തിരിക്കണം.

​തിരഞ്ഞെടുപ്പ് ജോലികളിൽ ഏർപ്പെട്ടിരിക്കുന്ന ഉദ്യോഗസ്ഥർക്ക് തടസ്സമില്ലാതെ വോട്ടവകാശം വിനിയോഗിക്കാൻ ആവശ്യമായ ക്രമീകരണങ്ങൾ ജില്ലാ ഭരണകൂടം ഉറപ്പാക്കിയിട്ടുണ്ടെന്നു ജില്ലാ ഇലക്ഷൻ ഓഫീസർ അറിയിച്ചു.