**കുടുംബശ്രീ ജീവന്‍ ദീപം ഇന്‍ഷൂറന്‍സ് ക്യാമ്പയിന്‍ ഏപ്രില്‍ 20 വരെ**

കുടുംബശ്രീയും സ്റ്റേറ്റ് ഇന്‍ഷൂറന്‍സ് വകുപ്പും എൽ.ഐ.സിയും സംയുക്തമായി നടപ്പിലാക്കുന്ന ജീവന്‍ ദീപം ലൈഫ് ഇന്‍ഷൂറന്‍സ് ക്യാമ്പയിന്‍ ഏപ്രില്‍ 20ന് അവസാനിക്കും. വിവിധ ലോണുകള്‍ എടുക്കുന്ന കുടുംബശ്രീ അംഗങ്ങള്‍ക്ക് ഇന്‍ഷൂറന്‍സ് സ്കീമില്‍ അംഗത്വമെടുക്കുന്നത് നിര്‍ബന്ധമാക്കിയ സാഹചര്യത്തിലാണ് ക്യാമ്പയിൻ നടത്തുന്നത്. ജില്ലയിൽ ഇതുവരെ 55000 കുടുംബശ്രീ അംഗങ്ങള്‍ പദ്ധതിയുടെ ഭാഗമായി. അയല്‍കൂട്ട അംഗത്തിന് സ്വാഭാവിക മരണത്തിന് 200000 രൂപ ഇന്‍ഷൂറന്‍സ് പരിരക്ഷ ലഭിക്കും. 18 വയസ്സു മുതല്‍ 74 വയസ്സ് വരെയുളള കുടുംബശ്രീ അംഗങ്ങള്‍ക്ക് പദ്ധതിയിൽ അംഗമാവാം.