താല്‍ക്കാലിക നിയമനം

ജില്ലയിലെ പട്ടികവര്‍ഗ വികസന ഓഫീസിന്റെ നിയന്ത്രണത്തിലുള്ള ഹോസ്റ്റലുകളിലെയും മലമ്പുഴ ആശ്രമം സ്‌കൂളിലേയും കുക്ക്/ ഹെല്‍പ്പര്‍, വാച്ച്മാന്‍ തസ്തികകളിലേക്ക് ദിവസവേതനാടിസ്ഥാനത്തില്‍ താല്‍ക്കാലിക നിയമനം നടത്തുന്നു. കുക്ക്/ ഹെല്‍പ്പര്‍ യോഗ്യത- ഏഴാം ക്ലാസ്, പ്രായപരിധി 25- 55 വയസ്. വാച്ച്മാന്‍ -എസ്എസ്എല്‍സി, പ്രായപരിധി 25- 50 വയസ്.  പട്ടികവര്‍ഗ വിഭാഗത്തില്‍പ്പെട്ടവര്‍ക്കും ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട് സര്‍ട്ടിഫിക്കറ്റ് ഉള്ളവര്‍ക്കും മുന്‍ഗണന.

കുക്ക് തസ്തികയിലേക്ക് മെയ് 15ന് രാവിലെ 10നും വാച്ച്മാന്‍ തസ്തികയിലേക്ക് മെയ് 16ന് രാവിലെ 10 നും അഭിമുഖം നടക്കും. ബയോഡാറ്റ, ജാതി, വിദ്യാഭ്യാസ യോഗ്യത, പ്രവൃത്തിപരിചയം തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം സിവില്‍ സ്റ്റേഷനിലെ പട്ടികവര്‍ഗ വികസന ഓഫീസില്‍ നടക്കുന്ന വോക്ക് ഇന്‍ ഇന്റര്‍വ്യൂവില്‍ പങ്കെടുക്കാമെന്ന് പട്ടികവര്‍ഗ വികസന ഓഫീസര്‍ അറിയിച്ചു. ഫോണ്‍: 0491-2505383.