ജലവിതരണം മുടങ്ങും

നാളെ (സെപ്റ്റംബർ 11) മുതൽ പുന്നപ്ര വടക്ക് പഞ്ചായത്തിന്റെ പരിധിയിൽ അംബേദ്‌കർ സ്കൂളിന് എതിർവശം പ്രധാന പൈപ്പ് ലൈനിൽ അറ്റകുറ്റപ്പണി നടത്തുന്നതിനാൽ കരുമാടി വാട്ടർ ട്രീറ്റ്മെന്റ് പ്ലാന്റ് പരിധിയിലെ എല്ലാ പ്രദേശങ്ങളിലും ജലവിതരണം തടസപ്പെടും. ആലപ്പുഴ മുനിസിപ്പാലിറ്റിയിലെ എല്ലാ വാർഡുകളിലും മറ്റു പഞ്ചായത്തുകളായ മണ്ണഞ്ചേരി, ആര്യാട്, മാരാരിക്കുളം തെക്ക്, അമ്പലപ്പുഴ തെക്ക്, അമ്പലപ്പുഴ വടക്ക്, പുന്നപ്ര തെക്ക്, പുന്നപ്ര വടക്ക്, പുറക്കാട്, തകഴി, എന്നിവിടങ്ങളിലും  ജലവിതരണം മുടങ്ങുമെന്നു ജല അതോറിറ്റി അസിസ്റ്റന്റ് എൻജിനീയർ അറിയിച്ചു.