ഭരണഘടന സാക്ഷരതാസന്ദേശയാത്രയ്ക്ക് മികച്ച സ്വീകരണം നല്‍കിയ മേഖലകളെ അനുമോദിച്ചു
ഭരണഘടനാസാക്ഷരതാസംഗമത്തിനുള്ള പ്രത്യേകയോഗം വാരിയംകുന്നത്ത് കുഞ്ഞഹമ്മദ്ഹാജി മുനിസിപ്പല്‍ ലൈബ്രറി ഹാളില്‍ വെച്ച് ജില്ലാപഞ്ചായത്ത് പ്രസിഡന്റ് എ.പി.ഉണ്ണികൃഷ്ണന്‍ ഉദ്ഘാടനം ചെയ്തു. ജില്ലയില്‍ ഭരണഘടനസന്ദേശയാത്രയ്ക്ക് നേതൃത്വം നല്‍കിയ പ്രേരക്മാരെ യോഗത്തില്‍ ഉപഹാരം നല്‍കി അനുമോദിച്ചു. 12-ാം ബാച്ച് പത്താംതരം തുല്യതാപരീക്ഷയില്‍ മുഴുവന്‍ വിഷയത്തിലും എ പ്ലസ് നേടിയ പരപ്പനങ്ങാടി എസ്.എന്‍.എം.എച്ച്.എസ്.എസിലെ പഠിതാവ് കെ.കെ സയ്യിദ് ഹാഷിറിനെ അനുമോദിച്ചു. ജില്ലാപഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ വി.സുധാകരന്‍ അധ്യക്ഷത വഹിച്ചു. കേരള സംസ്ഥാന സാക്ഷരതാമിഷന്‍ അതോറിറ്റി ജനറല്‍ കൗണ്‍സില്‍ അംഗങ്ങളായ. സലിം കുരുവമ്പലം, ടി.ബാബു, ലൈബ്രറി സെക്രട്ടറി റസാഖ് മാസ്റ്റര്‍, ജില്ലാ കോ-ഓര്‍ഡിനേറ്റര്‍ സജിതോമസ്, അസി.കോ-ഓര്‍ഡിനേറ്റര്‍ ആര്‍.രമേഷ്‌കുമാര്‍, മൊയ്തീന്‍കുട്ടി, കെ.അജിത കുമാരി എന്നിവര്‍ സംസാരിച്ചു. ജില്ലയിലെ നോഡല്‍ പ്രേരക്മാരും പ്രേരക്മാരും യോഗത്തില്‍ പങ്കെടുത്തു.
- Log in to post comments