ഫോട്ടോഗ്രാഫി, കാര്‍ട്ടൂണ്‍ ഏകാംഗപ്രദര്‍ശനങ്ങള്‍: അപേക്ഷ ക്ഷണിച്ചു 

    കേരള ലളിതകലാ അക്കാദമി 2017-2018 വര്‍ഷത്തെ ഫോട്ടോഗ്രാഫി - കാര്‍ട്ടൂണ്‍ ഏകാംഗപ്രദര്‍ശന ഗ്രാന്റിനുള്ള അപേക്ഷകള്‍ ക്ഷണിച്ചു.  പ്രദര്‍ശനം സംഘടിപ്പിക്കുന്നതിന് 50,000 രൂപ വീതമാണ് ധനസഹായം നല്‍കുന്നത്.  തെരഞ്ഞെടുക്കപ്പെടാന്‍ ആഗ്രഹിക്കുന്നവര്‍ സ്വന്തം രചനകളുടെ 8 ത 6' സൈസിലുള്ള പത്തു കളര്‍ ഫോട്ടോഗ്രാഫുകള്‍, ലഘുജീവചരിത്രക്കുറിപ്പ്, പ്രദര്‍ശനം നടത്താനുദ്ദേശിക്കുന്ന സ്ഥലം, ഗ്യാലറി എന്നിവയടങ്ങുന്ന വിശദാംശങ്ങള്‍ ഉള്‍പ്പെടുത്തി അപേക്ഷകള്‍ നല്‍കേണ്ടതാണ്.  തെരഞ്ഞെടുക്കപ്പെട്ടവര്‍ 2018 മാര്‍ച്ച് 31 ന് മുന്‍പായി അക്കാദമിയുടെ ഏതെങ്കിലും ഗ്യാലറിയിലാണ് പ്രദര്‍ശനം നടത്തേണ്ടത്.  കേരളീയരോ, കേരളത്തില്‍ സ്ഥിരം താമസിക്കുന്നവരോ ആയവര്‍ക്കാണ് സഹായം ലഭിക്കുക. അപേക്ഷകര്‍ 18 വയസ്സിന് മുകളില്‍ പ്രായമുള്ളവരായിരിക്കണം.  കഴിഞ്ഞ മൂന്ന് വര്‍ഷത്തിനിടയില്‍ ഗ്രാന്റ് ലഭിച്ചവര്‍ അപേക്ഷിക്കേണ്ടതില്ല.
    അപേക്ഷാ ഫോറം അക്കാദമിയുടെ വെബ്‌സൈറ്റിലും (ംംം.ഹമഹശവേസമഹമ.ീൃഴ) അക്കാദമി ഗ്യാലറികളിലും ലഭിക്കും.  തപാലില്‍ ആവശ്യമുള്ളവര്‍ സെക്രട്ടറി, കേരള ലളിതകലാ അക്കാദമി, തൃശൂര്‍ - 20 എന്ന വിലാസത്തില്‍ സ്റ്റാമ്പ് ഒട്ടിച്ച കവര്‍ സഹിതം അപേക്ഷിക്കേണ്ടതാണ്. 
    പൂരിപ്പിച്ച അപേക്ഷാ ഫോറവും മറ്റു വിവരങ്ങളും ഡിസംബര്‍ 30 ന് മുന്‍പായി കേരള ലളിതകലാ അക്കാദമിയുടെ തൃശൂരിലുള്ള മുഖ്യകാര്യാലയത്തില്‍ ലഭിക്കണം.