ഗൃഹചൈതന്യം പദ്ധതി: പരിശീലനം ഇന്ന് (2)

സംസ്ഥാന ആയുഷ് വകുപ്പും ഔഷധ സസ്യബോര്‍ഡും തൊഴിലുറപ്പ് പദ്ധതിയുമായി ചേര്‍ന്ന് കേരളപിറവി ദിനത്തില്‍ എല്ലാ വീടുകളിലും ആര്യവേപ്പ്, കറിവേപ്പ് നട്ട് പരിപാലിക്കുന്നതിന് ഗൃഹചൈതന്യം പദ്ധതി ആവിഷ്‌കരിച്ചു. ജില്ലയില്‍ കോന്നി, പന്തളം, പറക്കോട്, റാന്നി ബ്ലോക്കുകളിലെ ഗ്രാമപഞ്ചായത്തുകളെയാണ് രണ്ടാം ഘട്ടത്തില്‍ തെരഞ്ഞെടുത്തിട്ടുള്ളത്. ഈ ഗ്രാമപഞ്ചായത്തുകളിലെ പ്രസിന്റുമാര്‍, സെക്രട്ടറിമാര്‍, തൊഴിലുറപ്പ് പദ്ധതി അക്രഡിറ്റഡ് എന്‍ജിനീയര്‍മാര്‍, കൃഷി ഓഫീസര്‍മാര്‍, ബിപിഒമാര്‍  എന്നിവര്‍ക്കായി ഇന്ന് (2) രാവിലെ 10 മുതല്‍ ഉച്ചയ്ക്ക് ഒന്ന് വരെ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ പരിശീലനം നടത്തും. ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി പരിശീലനം ഉദ്ഘാടനം ചെയ്യും. ബന്ധപ്പെട്ടവര്‍ പരിശീലനത്തില്‍ പങ്കെടുക്കണമെന്ന് ജോയിന്റ് പ്രോഗ്രാം കോ-ഓര്‍ഡിനേറ്റര്‍ അറിയിച്ചു.                   (പിഎന്‍പി 1612/19)