സൗജന്യ തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു
കേന്ദ്ര സര്‍ക്കാര്‍ സ്ഥാപനമായ ദേശീയ പിന്നോക്ക വിഭാഗ വികസന കോര്‍പ്പറേഷന്റെ കീഴില്‍ ഐ.എച്ച്.ആര്‍.ഡിയുടെ മോഡല്‍ എഞ്ചിനീയറിംഗ് കോളേജിന്റെ അനുബന്ധ സ്ഥാപനമായ കലൂര്‍ മോഡല്‍ ഫിനിഷിംഗ് സ്‌കൂള്‍ ഇടുക്കി പൈനാവ് മോഡല്‍ പോളിടെക്‌നിക് കോളേജ് ജൂലൈയില്‍ ആരംഭിക്കുന്ന സൗജന്യ തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. ഡി.ടി.എച്ച് സെറ്റ് ടോപ്പ് ബോക്‌സ് ഇന്‍സ്റ്റലേഷന്‍ ആന്റ് സര്‍വ്വീസ് ടെക്‌നീഷ്യന്‍ (യോഗ്യത എസ്.എസ്.എല്‍.സി), ഫീല്‍ഡ് ടെക്‌നീഷ്യന്‍- കമ്പ്യൂട്ടിംഗ് ആന്റ് പെരിഫറല്‍സ് ( യോഗ്യത പ്ലസ് ടു) എന്നിവയാണ് കോഴ്‌സുകള്‍. മൂന്നു ലക്ഷത്തില്‍ താഴെ വാര്‍ഷിക കുടുംബ വരുമാനമുള്ള ഒ.ബി.സി വിഭാഗത്തില്‍പ്പെട്ടവര്‍, ഒരു ലക്ഷത്തില്‍ താഴെ വാര്‍ഷിക കുടുംബ വരുമാനമുള്ള സാമ്പത്തിക പിന്നോക്ക വിഭാഗക്കാര്‍, ഡീ നോട്ടിഫൈഡ് സെമിനൊമാഡിക് ആന്റ് നൊമാഡിക് ട്രൈബ്‌സ് വിഭാഗത്തിലുള്ളവര്‍, 60 വയസ്സോ അതിനു മുകളിലോ ഉള്ള മുതിര്‍ന്ന പൗരന്‍മാര്‍ എന്നിവര്‍ക്ക് അപേക്ഷിക്കാം. താല്‍പര്യമുള്ള അപേക്ഷകര്‍ ജൂലൈ 5നു മുമ്പായി ബന്ധപ്പെടണം. ഫോണ്‍ 9447576125.
- Log in to post comments