വികസന പദ്ധതി പ്രവര്‍ത്തനങ്ങള്‍; ഇളംദേശം ബ്ലോക്ക് പഞ്ചായത്തിന് ഒന്നാം സ്ഥാനം

ഇളംദേശം ബ്ലോക്ക് പഞ്ചായത്തിന്റെ 2020-21 വാര്‍ഷിക പദ്ധതിക്ക് ജില്ലാ ആസൂത്രണ സമിതിയുടെ അംഗീകാരം ലഭിച്ചു.  ജില്ലാ ആസൂത്രണ സമിതിയുടെ പ്രഥമ യോഗത്തില്‍ 2020-21 വാര്‍ഷിക പദ്ധതിക്ക്  അംഗീകാരം നേടുന്ന ആദ്യത്തെ ബ്ലോക്ക് പഞ്ചായത്തായി ഇളംദേശം. വികസന ഫണ്ട് (ജനറല്‍) -3233500 രൂപ, പ്രത്യേക ഘടക പദ്ധതി -5353000 രൂപ, ട്രൈബല്‍ സബ് പ്ലാന്‍ -8802000 രൂപയടക്കം ആകെ 46490000 രൂപയുടെ 69 പദ്ധതികളും മെയിന്റനന്‍സ് ഫണ്ട് (റോഡിതരം)- 4918000 രൂപയുടെ 12 പദ്ധതികളും അടങ്ങുന്ന വാര്‍ഷിക പദ്ധതിയാണ് അംഗീകാരത്തിനായി സമര്‍പ്പിച്ചത്.
അടുത്ത സാമ്പത്തിക വര്‍ഷത്തെ പദ്ധതികള്‍ക്ക് മുന്‍കൂറായി അനുമതി ലഭിച്ചതിനാല്‍ ഏപ്രില്‍ മാസം മുതല്‍ നിര്‍വ്വഹണം ആരംഭിക്കുവാനും സമയബന്ധിതമായി പൂര്‍ത്തീകരിക്കുവാനും സാധിക്കുമെന്ന് ബ്ലോക്ക് പഞ്ചായത്ത് പ്രസിഡന്റ് മര്‍ട്ടില്‍ മാത്യു പറഞ്ഞു.  2019-20 വാര്‍ഷിക പദ്ധതി നിര്‍വ്വഹണത്തില്‍ 95ശതമാനം ചെലവ് കൈവരിച്ച് നിലവില്‍ ജില്ലയില്‍ ഒന്നാം സ്ഥാനത്ത് ഇളംദേശം ബ്ലോക്ക് പഞ്ചായത്താണെന്ന് സെക്രട്ടറി ഭാഗ്യരാജ് കെ.ആര്‍ അറിയിച്ചു.