ഷാപ്പുകളുടെ പരസ്യവില്‍പന

ഷാപ്പുകളുടെ പരസ്യവില്‍പന

കാക്കനാട്: എറണാകുളം ജില്ലയിലെ വിവിധ റേഞ്ചുകളില്‍പ്പെടുന്ന 112 ഗ്രൂപ്പുകളിലെ 641 കള്ള് ഷാപ്പുകളുടെ പരസ്യവില്‍പന ഈ മാസം 18, 19 തീയതികളില്‍ രാവിലെ 10.30ന് കാക്കനാട് കളക്ടറേറ്റ് കോണ്‍ഫറന്‍സ് ഹാളില്‍  നടത്തും. വില്‍പനയില്‍ പങ്കെടുക്കാന്‍ താല്പര്യമുള്ളവര്‍ ആവശ്യമായ രേഖകളുമായി അന്നേദിവസം രാവിലെ 10 മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ എത്തണം. നിശ്ചിത ഫീസ് എന്‍ട്രന്‍സ് ഫീസായി അടച്ചശേഷം റവന്യൂ അധികാരികള്‍ സാക്ഷ്യപ്പെടുത്തിയ ഫോട്ടോ പതിച്ച ഐഡന്റിറ്റി കാര്‍ഡോഡുകൂടി വില്‍പന ഹാളില്‍ പ്രവേശിക്കാവുന്നതാണ്. വില്‍പനയ്ക്ക് പങ്കെടുക്കുന്നവര്‍ ഷാപ്പുകളുടെ റെന്റെല്‍ തുകയ്ക്കുള്ളതും തൊഴിലാളികളുടെ ഒരു മാസത്തെ വേതനത്തിന് തുല്യമായ തുകയ്ക്കുള്ള ഡിമാന്റ് ഡ്രാഫ്റ്റ് എറണാകുളം എക്‌സൈസ് ഡെപ്യൂട്ടി  കമ്മീഷണറുടെ പേരില്‍ മാറാവുന്നത് എന്നിവ എടുത്തിരിക്കണം. വില്‍പന സംബന്ധിച്ച് പാലിക്കേണ്ട മറ്റ് മാനദണ്ഡങ്ങളും കൂടുതല്‍ വിവരങ്ങളും എറണാകുളം ഡിവിഷന്‍ ഓഫീസില്‍ നിന്നും ജില്ലയിലെ എല്ലാ എക്‌സൈസ് സര്‍ക്കിള്‍ ഓഫീസില്‍ നിന്നും അറിയാവുന്നതാണെന്ന് എറണാകുളം എക്‌സൈസ് ഡെപ്യൂട്ടി കമ്മീഷണര്‍ അറിയിച്ചു.