പള്ളിപ്പുറം ഗ്രാമപഞ്ചായത്തില് ആര്ദ്രം പദ്ധതിക്ക് തുടക്കമായി
ആലപ്പുഴ: ആരോഗ്യ മേഖലയുടെ സമഗ്ര പുരോഗതിക്കായി സംസ്ഥാന സര്ക്കാര് നടപ്പാക്കുന്ന ആര്ദ്രം പദ്ധതിക്ക് പള്ളിപ്പുറം ഗ്രാമപഞ്ചായത്തില് തുടക്കമായി. കോവിഡ് വൈറസ് ഭീതിയുടെ സാഹചര്യത്തില് വളരെ കുറച്ച് അംഗങ്ങള് മാത്രം പങ്കെടുത്ത ചെറിയ ചടങ്ങായാണ് ഉദ്ഘാടനം നടത്തിയത്. പളളിപ്പുറം കുടുംബാരോഗ്യ കേന്ദ്രത്തില് നടന്ന പരിപാടിയില് തൈക്കാട്ടുശേരി ബ്ലോക്ക് പഞ്ചായത്ത് പ്രസിഡന്റ് നിര്മ്മല ശെല്വരാജ് പദ്ധതി ഉദ്ഘാടനം ചെയ്തു. പള്ളിപ്പുറം ഗ്രാമപഞ്ചായത്ത് പ്രസിഡന്റ് പി.ആര് ഹരിക്കുട്ടന് അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് രാജേഷ് രാമകൃഷ്ണന്, ബ്ലോക്ക് പഞ്ചായത്ത് അംഗം പി.ഡി. സബീഷ്, പളളിപ്പുറം ഗ്രാമപഞ്ചായത്ത് വൈസ് പ്രസിഡന്റ് മിനിമോള് സുരേന്ദ്രന്, പഞ്ചായത്തംഗങ്ങളായ മഞ്ജു സുധീര്, ജ്യോതിശ്രീ, സുമ വിമല്റോയ്, നൈസി ബെന്നി, ആശുപത്രി വികസന സമിതി അംഗങ്ങള് തുടങ്ങിയവര് പങ്കെടുത്തു. ആര്ദ്രം പദ്ധതിയുടെ ഭാഗമായി പഞ്ചായത്തിലെ കുടുംബാരോഗ്യ കേന്ദ്രത്തില് ശ്വാസകോശ സംബന്ധമായ രോഗികള്ക്കുള്ള ശ്വാസ് ക്ലിനിക്, വിഷാദ രോഗ ചികിത്സാ പദ്ധതിയായ ആശ്വാസ് ക്ലിനിക്, ജീവിതശൈലീ രോഗ നിര്ണ്ണയത്തിനുള്ള ക്ലിനിക്കുകള് എന്നിവയും പ്രവര്ത്തനമാരംഭിച്ചിട്ടുണ്ട്. കൂടാതെ ആധുനിക സൗകര്യങ്ങളുള്ള ലാബും സജ്ജമാണ്. വൈകിട്ട് 6 മണിവരെ ഡോക്ടറുടെ സേവനം ലഭ്യമാണ്.
- Log in to post comments