വിദേശത്ത് നിന്ന് വന്നവർക്ക് ബാങ്ക് സേവനം വീട്ടു പടിക്കൽ

കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി ബാങ്കുകൾ വിദേശത്തു നിന്നു വന്ന ഉപഭോക്താക്കൾക്കായി വീട്ടുപടിക്കൽ സേവനം ഏർപ്പെടുത്തുന്നു. വിദേശത്ത് നിന്ന് വരുന്ന പൗരന്മാർക്ക് നിലവിലെ സാഹചര്യത്തിൽ 14 ദിവസം വീടുകളിൽ നിരീക്ഷണത്തിൽ കഴിയുന്നതിന് നിർദ്ദേശിച്ചിട്ടുളള സാഹചര്യത്തിൽ അവർക്ക് ബാങ്കിന്റെ സേവനം അവരുടെ വീട്ടുപടിക്കൽ എത്തിച്ചു നൽകുവാൻ സന്നദ്ധമാണെന്ന് ജില്ലയിലെ ബാങ്ക് അധികൃതർ അറിയിച്ചു.
വിദേശത്ത് നിന്ന് വന്നിട്ടുളള പൗരന്മാരിൽ വീട്ടിൽ നിരീക്ഷണത്തിൽ കഴിയുന്നവർ അവരുടെ ബാങ്കുമായി ഫോണിൽ ബന്ധപ്പെട്ടാൽ മതിയാകും. ആവശ്യമായ നിർദ്ദേശങ്ങൾ നൽകാൻ ആവശ്യമെങ്കിൽ സേവനം വീട്ടുപടിക്കൽ എത്തിക്കാനും ബാങ്കുകൾ സജ്ജമാണെന്നും അധികൃതർ അറിയിച്ചു. രോഗവ്യാപനം തടയുന്നതിനായി സാമൂഹിക നിയന്ത്രണങ്ങൾ എല്ലാവരും പാലിക്കണമെന്നും ബാങ്കുകൾ മുന്നോട്ട് വെച്ച സേവനം വളരെ പ്രശംസനീയമാണെന്നും ഈ അവസരം നിരീക്ഷണത്തിൽ കഴിയുന്നവർ പ്രയോജനപ്പൊടുത്തണമെന്നും ജില്ലാ കളക്ടർ അഭ്യർത്ഥിച്ചു.