വ്യാജ വാര്ത്തകള് പ്രചരിപ്പിക്കുന്നവര്ക്കെതിരെ ശക്തമായ നടപടി സ്വീകരിക്കും
കൊറോണ രോഗത്തെ സംബന്ധിച്ച് വ്യാജ വാര്ത്തകള് പടച്ചുവിടുന്നവര്ക്കെതിരേയും സാമൂഹ്യ മാധ്യമങ്ങള് ദുരുപയോഗം ചെയ്യുന്നവര്ക്കെതിരേയും ജില്ലാ സൈബര് സെല്ലിന്റെ സേവനം പ്രയോജനപ്പെടുത്തി ശക്തമായ നിയമ നടപടികള് കൈക്കൊണ്ടു വരുന്നതായും ജില്ലാ പോലീസ് മേധാവി വിശദമാക്കി. ജനങ്ങള്ക്കിടയില് പരിഭ്രാന്തി സൃഷ്ടിക്കത്തക്ക വിധത്തില് പോസ്റ്റുകള് ഇടുന്നത് ജില്ലാ സൈബര്സെല് നിരീക്ഷിച്ചിവരുന്നു. ദേശീയ ദുരന്തമായി പ്രഖ്യാപിച്ച കൊറോണ രോഗത്തിന്റെ വ്യാപനം തടയുന്നതിന് ഏത് അടിയന്തര സാഹചര്യവും നേരിടാന് ജില്ലാ പോലീസ് സജ്ജമാണ്. അവശ്യസാധനങ്ങളുടെ പൂഴ്ത്തിവയ്പ്പും കരിഞ്ചന്തയും തടയുന്നതിന് ശക്തമായ നിയമനടപടികള് കൈക്കൊള്ളും. അത്തരം പ്രവര്ത്തനങ്ങളില് ഏര്പ്പെടുന്നവരെ കര്ശനമായി നിരീക്ഷിക്കുകയും തുടര് നടപടികള് സ്വീകരിക്കുകയും ചെയ്യും. കൂട്ടംകൂടി നില്ക്കുന്നതും അനാവശ്യ യാത്രകളും അനുവദിക്കില്ല. അത്തരക്കാര്ക്കെതിരെ നിയമ നടപടികള് സ്വീകരിക്കും. സ്വകാര്യ വാഹനത്തില് ഡ്രൈവറെക്കൂടാതെ ഒരാളെക്കൂടി മാത്രമേ അനുവദിക്കൂ. വാഹന പരിശോധനയും മറ്റും മുഴുവന് സമയവും തുടരുന്നതിന് പോലീസിന് നിര്ദേശം നല്കിയിട്ടുണ്ട്.
- Log in to post comments