ഹോട്ട് സ്‌പോട്ട് പ്രദേശങ്ങള്‍ ഒഴികെ ലോക്ഡൗണ്‍ നിയന്ത്രണങ്ങള്‍ക്ക് ജില്ലാ കലക്ടര്‍ ഇളവ് പ്രഖ്യാപിച്ചു

കടകള്‍
പഞ്ചായത്തുകളിലെ അവശ്യ സാധനങ്ങള്‍ വില്‍ക്കുന്ന കടകള്‍ (നോമ്പ് തുറക്കുള്ള വിഭവങ്ങള്‍ ഉള്‍പ്പെടെയുള്ളവ) തുറന്ന്  പ്രവര്‍ത്തിക്കാവുന്നതാണ്.  ഒരു വാര്‍ഡില്‍ ഒരേ വിഭാഗത്തില്‍ രണ്ടിലധികം കടകള്‍ ഉണ്ടെങ്കില്‍ എല്ലാ കടകളും ഒരുമിച്ചു തുറക്കാന്‍ പാടില്ല. വളം, കീടനാശിനി, കാര്‍ഷിക ഉപകരണങ്ങള്‍ എന്നിവ വില്‍ക്കുന്ന കടകളും കാര്‍ഷിക ഉല്‍പന്നങ്ങള്‍ ശേഖരിക്കുന്ന കടകളും മേല്‍ മാനദണ്ഡം പാലിച്ച് തുറന്ന് പ്രവര്‍ത്തിക്കാവുന്നതാണ്.  കടകളുടെ പ്രവര്‍ത്തന സമയം രാവിലെ 11 മണി മുതല്‍ വൈകുന്നേരം  നാല് മണി വരെയാണ്. ആഴ്ചയില്‍  പരമാവധി  മൂന്നു ദിവസം മാത്രമേ കടകള്‍ തുറക്കാന്‍ പാടുള്ളൂ.
മുനിസിപ്പാലിറ്റി, കോര്‍പ്പറേഷന്‍ പരിധിയിലുള്ള മാര്‍ക്കറ്റുകളില്‍ അവശ്യ സാധനങ്ങള്‍ വില്‍ക്കുന്ന കടകള്‍ (നോമ്പ് തുറക്കുള്ള വിഭവങ്ങള്‍ ഉള്‍പ്പെടെയുള്ളവ) മൊത്ത കച്ചവട സ്ഥാപനങ്ങളും പ്രവര്‍ത്തിക്കാവുന്നതാണ്.
വളം, കീടനാശിനി കാര്‍ഷിക ഉപകരണങ്ങള്‍ എന്നിവ വില്‍ക്കുന്ന കടകളും കാര്‍ഷിക ഉല്‍പന്നങ്ങള്‍ ശേഖരിക്കുന്ന കടകളും മേല്‍ മാനദണ്ഡം പാലിച്ച് തുറന്ന് പ്രവര്‍ത്തിക്കാവുന്നതാണ്. പ്രവര്‍ത്തന സമയം രാവിലെ 11 മണി മുതല്‍ വൈകുന്നേരം നാല് മണി വരെയാണ്. ഒരു കട ആഴ്ചയില്‍ പരമാവധി രണ്ട് ദിവസം മാത്രമേ തുറക്കാന്‍ പാടുള്ളൂ.  ഇവയുടെ പ്രവര്‍ത്തനം സംബന്ധിച്ച ദിനക്രമം ബന്ധപ്പെട്ട തദ്ദേശസ്വയം ഭരണ സ്ഥാപനത്തിലെ സെക്രട്ടറിമാര്‍ നിര്‍ദേശിക്കേണ്ടതാണ്.  
ബാങ്കുകള്‍
സാധാരണ ബാങ്കുകള്‍ രാവിലെ 11 മണി മുതല്‍ വൈകിട്ട് മൂന്ന് മണി വരെയും  സഹകരണ ബാങ്കുകള്‍ രാവിലെ 10 മണി  മുതല്‍ വൈകിട്ട് രണ്ട് മണി  വരെയും തുറന്ന് പ്രവര്‍ത്തിക്കാവുന്നതാണ്.

കാര്‍ഷിക മേഖല
തൊഴിലാളികളില്‍ അധികരിക്കാത്ത എല്ലാ കാര്‍ഷിക പ്രവൃത്തികളും (കാര്‍ഷിക നേഴ്‌സറികള്‍ ഉള്‍പ്പെടെ) ചെയ്യാവുന്നതുമാണ്.

നിര്‍മ്മാണ പ്രവൃത്തികള്‍
തൊഴിലാളികളില്‍ അധികരിക്കാത്ത വീട് നിര്‍മ്മാണം, അറ്റകുറ്റപ്പണികള്‍, കിണര്‍ നിര്‍മ്മാണം, ശൗചാലയ നിര്‍മ്മാണം. മഴക്കാല പൂര്‍വ്വ ശുചീകരണം, ഓവുചാല്‍ നിര്‍മ്മാണം, റോഡ് നിര്‍മ്മാണ പ്രവൃത്തികള്‍ എന്നിവ നടത്താവുന്നതാണ്.  നിര്‍മ്മാണ സാമഗ്രകള്‍ വില്‍പ്പന കടകള്‍ ഹോട്‌സ്‌പോട്ടുകള്‍ ഒഴികെ രാവിലെ 11 മണി മുതല്‍ വൈകിട്ട് നാല്  മണി വരെ തുറന്ന് പ്രവര്‍ത്തിക്കാവുന്നതാണ്.

വ്യവസായ സ്ഥാപനങ്ങള്‍
തൊഴിലാളികളില്‍ അധികരിക്കാതെ ചെറുകിട വ്യവസായ സ്ഥാപനങ്ങള്‍ തുറന്ന് പ്രവര്‍ത്തിക്കാവുന്നതാണ്. അഞ്ചില്‍ കുൂടുതല്‍ തൊഴിലാളികള്‍ പണിയെടുക്കേണ്ട  വ്യവസായ ശാലകള്‍  ജില്ലാ കലക്ടറുടെ പ്രത്യേക അനുവാദം വാങ്ങിച്ച് തുറന്ന് പ്രവര്‍ത്തിക്കാവുന്നതാണ്.  

തോട്ടം മേഖല
വിളവെടുപ്പും അനുബന്ധ പ്രവൃത്തികളും നടത്തുന്നതിന് അഞ്ച്  പേരില്‍ അധികരിക്കാതെ കോവിഡ് 19 മാര്‍ഗ്ഗ നിര്‍ദ്ദേശങ്ങള്‍ അനുസരിച്ച്  നടത്താവുന്നതാണ്.

ഇ-കോമേഴ്‌സ്
അത്യാവശ്യ സാധനങ്ങള്‍ മാത്രം വിതരണം ചെയ്യാവുന്നതാണ്.
മെയ് 17ന് സാഹചര്യം വിശദമായി പരിശോധിച്ച് പുതുക്കിയ ഉത്തരവ് ഇറക്കുമെന്നും  ജില്ലാ കലക്ടര്‍ അറിയിച്ചു.
പി എന്‍ സി/1652/2020