സിവില്‍ സ്റ്റേഷനില്‍ മോക് എക്സസൈസ് 27ന് 

    അപകട ഘട്ടങ്ങളില്‍ സ്വീകരിക്കേണ്ട മുന്‍കരുതലുകളെപ്പറ്റി ജീവനക്കാരെ ബോധവാന്മാരാക്കുന്നതിനും അടിയന്തര സാഹചര്യങ്ങള്‍ നേരിടുന്നതിനുള്ള പരിശീലനത്തിനുമായി ജില്ലാ ഭരണകാര്യാലയം സിവില്‍ സ്റ്റേഷനില്‍ മോക് എക്സസൈസ് നടത്തും. ഫെബ്രുവരി 27 രാവിലെ 11 നാണ് മോക് എക്സസൈസ് നടത്തുക. സിവില്‍ സ്റ്റേഷനില്‍ തീ പടരുകയും  ജീവനക്കാരേയും പൊതുജനങ്ങളേയും ഒഴിപ്പിക്കുകയും ചെയ്യുന്ന  രീതിയിലാണ് മോക് എക്സസസ്. തീ പടര്‍ന്നെന്ന സന്ദേശം ലഭിക്കുമ്പോള്‍ ഫയര്‍ ഫോഴ്സെത്തി തീ അണക്കുകയും ജീവനക്കാരെ സുരക്ഷിതരായി ഒഴിപ്പിക്കുകയും ചെയ്യും. പരിക്ക് പറ്റിയവരെ അടുത്തുള്ള ആശുപത്രികളില്‍ എത്തിച്ച് അടിയന്തര ചികിത്സ നല്‍കുന്നതായി കാണിക്കും. ഫയര്‍ ഫോഴ്സ് - പൊലീസ് - ആരോഗ്യവകുപ്പ് സംയുക്തമായാണ് മോക് എക്സസൈസിന് നേതൃത്വം നല്‍കുക. 24ന് ഉച്ചയ്ക്ക് 2.30ന് സിവില്‍ സ്റ്റേഷനിലെ ജീവനക്കാര്‍ക്ക് മോക് എക്സസൈസിനെപ്പറ്റി ബോധവത്ക്കരണം നടത്തും. മോക് എക്സസൈസ് സുരക്ഷിതമായി നടത്തുന്നതിന് ജില്ലാ കലക്റ്റര്‍ ഡോ: പി.സുരേഷ് ബാബുവിന്‍റെ അധ്യക്ഷതയില്‍ വിവിധ വകുപ്പ്  മേധാവികളുടെ യോഗം ചേര്‍ന്നു.