എലിപ്പനിയ്ക്കെതിരെ ജാഗ്രത നിര്ദേശവുമായി ആരോഗ്യ വകുപ്പ്
മഴക്കാലത്ത് എലിപ്പനി വ്യാപകമാകാന് സാധ്യതയുള്ളതിനാല് ജാഗ്രത നിര്ദേശവുമായി ആരോഗ്യ വകുപ്പ്. ഏതു പനിയും എലിപ്പനി ആകാമെന്നതിനാല് പനി വന്നാല് സ്വയം ചികിത്സ പാടില്ല. ആരംഭത്തില് തന്നെ കണ്െത്തി ചികിത്സ ലഭ്യമാക്കിയില്ലെങ്കില് മരണം വരെ സംഭവിക്കാന് സാധ്യതയുണ്െന്നും എല്ലാ സര്ക്കാര് ആശുപത്രികളിലും എലിപ്പനിക്കെതിരായ സൗജന്യ ചികിത്സ ലഭ്യമാണെന്നും ആരോഗ്യ വകുപ്പ് അറിയിച്ചു.
ജീവികളുടെ മലമൂത്ര വിസര്ജ്യം ജലത്തില് കലര്ന്നാണ് ജന്തുജന്യരോഗമായ എലിപ്പനി പടരുന്നത്. കെട്ടിനില്ക്കുന്ന മഴ വെള്ളത്തില് ഇറങ്ങുന്നവര്ക്കും മലിനജലവുമായി സമ്പര്ക്കത്തില് ഏര്പ്പെടുന്നവര്ക്കും എലിപ്പനി വരാന് സാധ്യതയേറെയാണ്. രോഗവാഹകരായ എലി, പട്ടി, കന്നുകാലികള്, പന്നി എന്നിവയുടെ വിസര്ജ്യം കെട്ടിക്കിടക്കുന്ന വെള്ളത്തില് കലരുകയും ആ വെളളത്തില് സമ്പര്ക്കം വരുന്നവരുടെ ശരീരത്തിലെ ശ്ലേഷ്മ സ്തരങ്ങളിലൂടെയും മുറിവിലൂടെയും അണുക്കള് ശരീരത്തില് പ്രവേശിക്കുകയും ചെയ്താണ് എലിപ്പനിയുണ്ാകുന്നത്.
പനി, പേശി വേദന (കാല് വണ്ണയിലെ പേശികളില്) തലവേദന, വയറു വേദന, ഛര്ദ്ദി, കണ്ണ് ചുവക്കല് എന്നിവയാണ് എലിപ്പനിയുടെ പ്രാരംഭ ലക്ഷണങ്ങള്. ലക്ഷണങ്ങള് കാണുമ്പോള് തന്നെ ശരിയായ ചികിത്സ നല്കുകയാണെങ്കില് പൂര്ണമായും രോഗം ഭേദമാക്കാവുന്നതാണ്. ചികിത്സ ലഭിക്കാത്ത അവസ്ഥയില് രോഗം മൂര്ച്ഛിച്ച് കരള്, വൃക്ക, തലച്ചോര്, ശ്വാസകോശം തുടങ്ങിയ ആന്തരികാവയവങ്ങളെ ബാധിക്കുകയും രോഗിയുടെ ജീവന് തന്നെ അപകടത്തിലാകുകയും ചെയ്യാം.
പ്രതിരോധ മാര്ഗനിര്ദേശങ്ങള്
• കെട്ടിനില്ക്കുന്ന മലിന ജലത്തിലും പാടത്തും കുളത്തിലും പാറക്കെട്ടുകളിലെ വെള്ളക്കെട്ടിലും ജലസംഭരണികളിലും ഇറങ്ങിയാല് സോപ്പ് ഉപയോഗിച്ച് ശരീരം വൃത്തിയായി കഴുകുകയും ചികിത്സ തേടേണ്തുമാണ്.
• ആഹാരപദാര്ഥങ്ങള് അടച്ചു സൂക്ഷിക്കുകയും തിളപ്പിച്ചാറിയ ശുദ്ധജലം മാത്രം കുടിക്കുകയും വേണം.
• മീന് പിടിക്കുന്നതിനായി വെള്ളക്കെട്ടുകളില് ഇറങ്ങാന് പാടില്ല.
• ഓടകളും കനാലുകളും വൃത്തിയാക്കുന്നവര്, പാടത്തും പറമ്പിലും പണിയെടുക്കുന്നവര്, ശുചീകരണ പ്രവര്ത്തനങ്ങളില് ഏര്പ്പെടുന്ന തൊഴിലുറപ്പ് തൊഴിലാളികള് തുടങ്ങിയവര് ഡോക്ടറുടെ നിര്ദേശപ്രകാരം എലിപ്പനി പ്രതിരോധ ഗുളിക കഴിക്കണം.
• ഒഴുക്കില്ലാതെ കെട്ടിനില്ക്കുന്ന വെള്ളത്തില് കുളിക്കുകയോ, കൈകാലുകള് കഴുകുകയോ അരുത്. വെള്ളത്തില് ഇറങ്ങേണ് സാഹചര്യമുണ്ായാല് കട്ടിയുള്ള കൈയുറ, കാലുറ (ഗംബൂട്ട് ) എന്നിവ ധരിക്കുക.
• കെട്ടിക്കിടക്കുന്ന ജലവുമായി സമ്പര്ക്കമുണ്ായ ശേഷം പനി, ശരീരവേദന, തലവേദന, കണ്ണിന് ചുവപ്പ്, മൂത്രത്തിന് മഞ്ഞനിറം, മൂത്രത്തിന്റെ അളവ് കുറയുക തുടങ്ങിയ ലക്ഷണങ്ങള് കണ്ാല് ഉടന് ആശുപത്രിയിലെത്തി എലിപ്പനിയ്ക്കെതിരെ ചികിത്സ തേടണം.
(എം.പി.എം 2242/2020)
- Log in to post comments