ജില്ലയിലെ പുതിയ കണ്ടൈൻറ്മെൻറ് സോണുകൾ

ആലപ്പുഴ: കോവിഡ് 19 രോഗവ്യാപനം തടയുന്നതിന്റെ ഭാഗമായി ജില്ലയിൽ 6 വാർഡുകൾ കൂടി കണ്ടൈൻറ്മെൻറ് സോണായി പ്രഖ്യാപിച്ചു. ചെട്ടികുളങ്ങര പഞ്ചായത്തിലെ 1, 21 വാർഡുകൾ, പുന്നപ്ര നോർത്ത് പഞ്ചായത്തിലെ 2, 15 വാർഡുകൾ, ആലപ്പുഴ നഗരസഭയിലെ 1, 16 വാർഡുകൾ എന്നിവയാണ് കണ്ടെയ്ന്‍മെന്റ് സോണായി പ്രഖ്യാപിച്ചു നിയന്ത്രണങ്ങൾ ഏർപ്പെടുത്തി ജില്ലാ കളക്ടർ ഉത്തരവായത്.

രോഗ വ്യാപനം നിയന്ത്രണ വിധേയമായതായി വിലയിരുത്തിയതിന്റെ അടിസ്ഥാനത്തില്‍ മണ്ണഞ്ചേരി ഗ്രാമപഞ്ചായത്തിലെ 2 ആം വാർഡ്, ആലപ്പുഴ നഗരസഭ വാർഡ് 51, ചേർത്തല നഗരസഭ വാർഡ് 27, 30, തണ്ണീർമുക്കം- വാർഡ് 05, 21, എന്നീ വാർഡുകളെ കണ്ടെയ്ൻമെൻറ് സോണിൽ നിന്ന് ഒഴിവാക്കി. തുറവൂർ പഞ്ചായത്തിലെ 9, 10, 11 വാർഡുകൾ ഒഴികെ ബാക്കി എല്ലാ വാർഡുകളെയും കണ്ടെയ്ൻമെൻറ് സോണിൽ നിന്ന് ഒഴിവാക്കി. , എഴുപുന്ന പഞ്ചായത്തില്‍ 1 മുതൽ 15 വരെയുള്ള വാർഡുകളിൽ 10 ആം വാർഡ് ഒഴികെ ഉള്ള വാർഡുകളെയും കണ്ടെയ്ന്‍മെൻറ് സോണിൽ നിന്ന് ഒഴിവാക്കിയിട്ടുണ്ട്.
കണ്ടേൻമെൻറ് സോണുകളിൽ നിയന്ത്രണങ്ങൾ ലംഘിക്കുന്നവർക്കെതിരെ പകർച്ചവ്യാധി നിയന്ത്രണ നിയമപ്രകാരവും 2005 ദുരന്തനിവാരണ നിയമപ്രകാരവും ഐപിസി സെക്ഷൻ 188, 269 പ്രകാരവും നിയമനടപടി സ്വീകരിക്കും.