മലപ്പുറം ജില്ലയില്‍ 21 ക്യാമ്പുകള്‍ : ഇന്നലെമാത്രം ഏഴ് ക്യാമ്പുകള്‍ തുറന്നു
കാലവര്‍ഷം ശക്തിപ്രാപിച്ചതിന്റെ സാഹചര്യത്തില്‍ ജില്ലയില്‍ 22 ക്യാമ്പുകള്‍ പ്രവര്‍ത്തനമാരംഭിച്ചു. ഇന്നലെ (ഓഗസ്റ്റ് എട്ട് ) മാത്രം ഏഴ് ക്യാമ്പുകളും തുറന്നിട്ടുണ്ട്. നിലമ്പൂര്‍ താലൂക്കില്‍ പോത്തുകല്ലില്‍ സിറ്റി ഓഡിറ്റോറിയം, കാരാക്കോട് ആര്‍. എം. എ യു. പി. എസ് എന്നിവയും ഏറനാടില്‍ കൂരങ്ങല്‍ അങ്കണവാടി, മൂലേപ്പാടം ജി. എല്‍. പി. എസ്, പെരിന്തല്‍മണ്ണയില്‍ എ.എം.യു.പി.എസ് കൂട്ടില്‍, കൊണ്ടോട്ടിയില്‍ ജി.എം.യു. പി.എസ് കൊണ്ടോട്ടി, ജി.എച്ച്.എസ്.എസ് വാഴക്കാട് എന്നീ ഏഴ് ക്യാമ്പുകളാണ് പുതിയതായി ആരംഭിച്ചിട്ടുള്ളത്. ജില്ലയിലെ 21 ക്യാമ്പുകളില്‍ 294 കുടുംബങ്ങളിലായി 955 പേരെയാണ് മാറ്റിപാര്‍പ്പിച്ചിട്ടുള്ളത്. നിലമ്പൂര്‍ താലൂക്കില്‍ നിലവില്‍ 11 ക്യാമ്പുകളും, ഏറനാടില്‍ അഞ്ച് ക്യാമ്പുകളും പെരിന്തല്‍മണ്ണയില്‍ രണ്ട് ക്യാമ്പുകളും കൊണ്ടോട്ടിയില്‍ രണ്ട് ക്യാമ്പുകളും പൊന്നാനിയില്‍ ഒരു ക്യാമ്പുമാണ് പ്രവര്‍ത്തിക്കുന്നത്.
നിലമ്പൂരില്‍ ഭൂദാനം എല്‍.പി സ്‌കൂള്‍, എടക്കര ജി.എച്ച്.എസ്എസ്, എരുമമുണ്ട നിര്‍മ്മല ഹൈസ്‌കൂള്‍, പൂളപ്പാടം ജി.എല്‍.പി.എസ്, നെടുങ്കയം ട്രൈബല്‍ എല്‍.പി സ്‌കൂള്‍, പുള്ളിയില്‍ ജി.എല്‍.പി.എസ്, കാളികാവ് ബസാര്‍, കരുവാരകുണ്ട് എച്ച്.എസ്.എസ്, ജി.എല്‍.പി.എസ് പാറശ്ശേരി, എം.എം.എല്‍.പി.എസ് വെളിമ്പിയംപാടം എന്നിവയും ഏറനാട് താലൂക്കില്‍ ഈന്തുംപള്ളി ക്രഷര്‍ ക്വാട്ടേഴ്സ്, ഓടക്കയം ജി.യു.പി.എസ്, വെണ്ടേക്കുംപൊയില്‍ സാംസ്‌കാരികനിലയവും പെരിന്തല്‍മണ്ണയില്‍ എം.ജെ അക്കാദമി, പൊന്നാനി താലൂക്കില്‍ പൊന്നാനി നഗരം എം.ഇ.എസ് എച്ച്.എച്ച്.എസ് എന്നിങ്ങനെയാണ് നേരത്തെ ആരംഭിച്ച ക്യാമ്പുകള്‍.
- Log in to post comments