പ്രജ്ഞ 2020 സംസ്ഥാനതല ക്വിസ്സ് മല്‍സരം

കേരളത്തിലെ ഹൈസ്‌ക്കൂള്‍ ഹയര്‍ സെക്കണ്ടറി വിദ്യാര്‍ത്ഥികള്‍ക്കായി കേരള ഖാദി ഗ്രാമവ്യവസായ ബോര്‍ഡ് നടത്തുന്ന സംസ്ഥാനതല ക്വിസ്സ് മല്‍സരം  'പ്രജ്ഞ 2020' ഓണ്‍ലൈന്‍ ആയി നടക്കും. പ്രശസ്ത ഗ്രാന്റ് മാസ്റ്റര്‍ ഡോ.ജി.എസ്സ്. പദീപ് ആണ് ക്വിസ്സ് മല്‍സരം നയിക്കുന്നത്.ക്വിസ്സ് മല്‍സരത്തിന്റെ വിഷയം 70 ശതമാനം പൊതു വിജ്ഞാനവും 30 ശതമാനം ഗാന്ധിജിയും ഖാദിയും ഇന്ത്യന്‍ സ്വാതന്ത്ര്യസമരവും എന്നതാണ്. കേരളത്തിലെ സര്‍ക്കാര്‍-എയിഡഡ്-അണ്‍എയിഡഡ് സ്‌ക്കൂളുകളിലെ എട്ട് മുതല്‍ 12 വരെ ക്ലാസ്സിലെ കൂട്ടികള്‍ക്ക് പങ്കെടുക്കാം.  താല്പര്യമുള്ളവര്‍ secretarykkvib@gmail.com, iokkvib@gmail.com എന്നിവയില്‍ ഏതെങ്കിലും മെയില്‍ ഐഡിയിലേക്ക് മുന്‍കൂട്ടി പേര് രജിസ്റ്റര്‍ ചെയ്യണം. സെപ്തംബര്‍ 30 ന് രാവിലെ 11 ന് സ്‌ക്രീനിംഗിനു വേണ്ടിയുള്ള ചോദ്യങ്ങളും ഉത്തരക്കടലാസിന്റെ മാതൃകയും നിബന്ധനകളും  www.kkvib.org ല്‍ നിന്ന് ലഭിക്കും. ഉത്തരക്കടലാസില്‍ കുട്ടിയുടെ പേര്,മേല്‍വിലാസം, ഫോണ്‍ നമ്പര്‍,ഇ മെയില്‍, സ്‌ക്കൂളിന്റെ പേര്, ക്ലാസ്സ് മുതലായവ രേഖപ്പെടുത്തണം. സെപ്റ്റംബര്‍ 30 ന് രാവിലെ 11.00 മുതല്‍ 11.30 വരെ ഉത്തരപേപ്പര്‍ iokkvib@gmail.com എന്ന ഐ.ഡിയില്‍ ഇ മെയില്‍ ചെയ്യണം. കൂടുതല്‍ മാര്‍ക്കു നേടുന്ന ആറ് പേരെ ഫൈനലിലേക്ക് തെരെഞ്ഞെടുക്കും.

ഒരു സ്‌കൂളില്‍ നിന്നും ഒന്നലധികം മല്‍സരാര്‍ത്ഥികളുണ്ടായാല്‍ ആദ്യം ഉത്തരം ഇ-മെയില്‍ ചെയ്യുന്ന കുട്ടിയെ മാത്രമാണ് പരിഗണിക്കുക. ഫൈനല്‍ മല്‍സരം ഒക്ടോബര്‍ ഏഴിന് രാവിലെ  11 ന് ഖാദി ബോര്‍ഡ് കോണ്‍ഫറന്‍സ് ഹാളില്‍ തയ്യാറാക്കുന്ന ഓണ്‍ ലൈന്‍ ക്രമീകരണങ്ങളിലൂടെ നടത്തും. ഒന്നാം സമ്മാനം നേടുന്നയാള്‍ക്ക് 5001 രൂപ, രണ്ടാം സമ്മാനം നേടുന്നയാള്‍ക്ക് 3001 രൂപ, മുന്നാം സമ്മാനം നേടുന്നയാള്‍ക്ക് 2001 രൂപയും ലഭിക്കും. കൂടുതല്‍ വിവരങ്ങള്‍ക്ക് 9447271153