സെമിനാര്‍ സംഘടിപ്പിക്കും.
ഹൈസ്‌കൂള്‍ പ്രഥമാധ്യാപക ലീഡര്‍ഷിപ്പ് പരിശീലനത്തിന്റെ ഭാഗമായി ഈ വര്‍ഷം ജില്ലയില്‍ നടത്തിയ മികച്ച അക്കാദമിക പ്രവര്‍ത്തനങ്ങളെ കണ്ടെത്തുന്നതിനായി മാര്‍ച്ച് 20 ന് രാവിലെ 10 മുതല്‍ ഹോട്ടല്‍ മഹേന്ദ്രപുരിയില്‍ ജില്ലാതല സെമിനാര്‍ സംഘടിപ്പിക്കും. ഈ വര്‍ഷത്തെ ആര്‍.എം.എസ്.എ-പ്രഥമാധ്യാപക ലീഡര്‍ഷിപ്പ് പരിശീലനത്തില്‍ പങ്കെടുത്ത അധ്യാപകരോടൊപ്പം മുന്‍ വര്‍ഷങ്ങളില്‍ പരിശീലനം പൂര്‍ത്തിയാക്കിയ അധ്യാപകരുടെയും സെമിനാര്‍ അവതരണം ഉണ്ടായിരിക്കും.
സെമിനാറിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിക്കും. വൈസ് പ്രസിഡന്റ് സക്കീന പുല്‍പ്പാടന്‍ അധ്യക്ഷയാവും. സ്റ്റാന്റിംഗ് കമ്മിറ്റി ചെയര്‍മാന്‍മാരായ സുധാകരന്‍, സലീം കുരുവമ്പലം, മലപ്പുറം വിദ്യാഭ്യാസ ഉപഡയറക്ടര്‍ സി.ഐ വത്സല, ഡയറ്റ് പ്രിന്‍സിപ്പാള്‍ അബ്ദുല്‍ ഗഫൂര്‍, ഡി.ഇ.ഒ മാര്‍ എന്നിവര്‍ സംബന്ധിക്കും. ഏറ്റവും മികച്ച സെമിനാറിനുള്ള സമ്മാനദാനവും ഉണ്ടായിരിക്കും.
- Log in to post comments