കായിക താരങ്ങള്‍ക്ക് സര്‍ക്കാര്‍ ജോലിക്ക് അപേക്ഷിക്കാം

മികച്ച കായിക താരങ്ങള്‍ക്ക് സര്‍ക്കാര്‍ സര്‍വീസില്‍ നിയമനം നല്‍കുന്ന പദ്ധതിയില്‍ 2010-14 വര്‍ഷങ്ങളിലെ ഒഴിവുകളിലെ അര്‍ഹരായവരില്‍ നിന്ന് അപേക്ഷ ക്ഷണിച്ചു.  വിജ്ഞാപനത്തിന്റെ പകര്‍പ്പ് www.kerala.gov.in, www.prdkerala.gov.in എന്നിവയില്‍ ലഭ്യമാണ്.  ജില്ലാ ഇന്‍ഫര്‍മേഷന്‍ ഓഫീസുകള്‍, കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ എന്നിവിടങ്ങളില്‍ വിജ്ഞാപനത്തിന്റെ പകര്‍പ്പ് പരിശോധിക്കാം.

അപേക്ഷാ ഫോം പൂരിപ്പിച്ച് ഫോട്ടോ ഒട്ടിച്ച് സര്‍ട്ടിഫിക്കറ്റുകളുടേയും, മറ്റു രേഖകളുടേയും പകര്‍പ്പ് സഹിതം ഗവണ്‍മെന്റ് സെക്രട്ടറി, പൊതുഭരണ (സര്‍വീസസ്-ഡി) വകുപ്പ്, ഗവണ്‍മെന്റ് സെക്രട്ടേറിയറ്റ്, തിരുവനന്തപുരം എന്ന വിലാസത്തില്‍ അപേക്ഷിക്കണം.  

പി.എന്‍.എക്‌സ്.4794/17