അതിഥി അധ്യാപക നിയമനം

മലപ്പുറം സര്‍ക്കാര്‍ വനിതാ ആര്‍ട്‌സ് ആന്‍ഡ് സയന്‍സ് കോളജില്‍ ഹിസ്റ്ററി, മാത്‌സ് വിഷയങ്ങളില്‍ അതിഥി അധ്യാപകരെ നിയമിക്കുന്നു. നെറ്റ് യോഗ്യതയുള്ള,  കോഴിക്കോട് ഡി.ഡി.ഇയില്‍ രജിസ്റ്റര്‍ ചെയ്ത, ഉദ്യോഗാര്‍ത്ഥികള്‍ക്ക്  ഒക്‌ടോബര്‍ അഞ്ചിന് രാവിലെ 10ന് കോളജില്‍ നടക്കുന്ന അഭിമുഖത്തിന് അസ്സല്‍ സര്‍ട്ടിഫിക്കറ്റും അവയുടെ പകര്‍പ്പും സഹിതം പങ്കെടുക്കാം.

അപേക്ഷാ തീയതി നീട്ടി
ഐ.ടി.ഐ. പ്രവേശനത്തിനുള്ള അപേക്ഷ ഓണ്‍ലൈനായി സമര്‍പ്പിക്കുന്നതിനുളള അവസാന തീയതി സെപ്തംബര്‍ 30 വരെ നീട്ടി. അപേക്ഷകള്‍ itiadmissions.kerala.gov.in  എന്ന വെബ്‌സൈറ്റിലൂടെ സമര്‍പ്പിക്കാം. ട്രേഡ് ഓപ്ഷന്‍ പോര്‍ട്ടലില്‍ ലഭിക്കും. അപേക്ഷ സമര്‍പ്പിച്ചവര്‍ ട്രേഡ് ഓപ്ഷന്‍ കൂടി നല്‍കണം. ഫോണ്‍: 04832850238, 9446310127.